Psalmet 57:1-11

  • Kërkesë që Perëndia të tregohet zemërmirë

    • Strehë nën krahët e Perëndisë (1)

    • Armiqtë bien në rrjetën e vet (6)

Për mjeshtrin e korit; sipas melodisë: «Mos shkatërro.» Psalm i Davidit. Miktam.* Kur u fsheh në shpellë për shkak të Saulit.+ 57  Ji zemërmirë, o Perëndi, ji zemërmirë me mua,sepse te ti gjej strehë;+nën hijen e krahëve të tu do të fshihem derisa të kalojnë telashet.+   Unë i thërras Perëndisë, Më të Lartit,Perëndisë së vërtetë që u jep fund telasheve të mia.   Nga qielli ai do të më sjellë ndihmë e do të më shpëtojë;+ai vetë do t’i pengojë ata që më kafshojnë pareshtur; (Selah)Perëndia do të tregojë dashurinë* dhe besnikërinë e tij.+   Mes luanëve gjendem i rrethuar,+ndaj s’më mbetet veçse të shtrihem mes gllabëruesve,që dhëmbët i kanë si heshta e shigjeta,dhe gjuhën si shpatë të mprehtë.+   Qofsh i lartësuar mbi qiejt, o Perëndi! Rrezatoftë lavdia jote në mbarë tokën!+   Armiqtë kanë përgatitur një rrjetë për të më zënë këmbët,+ndaj nga ankthi jam kërrusur i tëri;+më kanë hapur një gropë në shtegun ku po shkoja,por brenda ranë ata vetë.+ (Selah)   Zemra ime është e palëkundur, o Perëndi!+ Po, e palëkundur është zemra ime! Për ty do të këndoj dhe do të luaj melodi.   Zgjohu, gjithë ti, o qenia ime!* Zgjohu, o instrument me tela! Zgjohu edhe ti, o harpë! Se me këngën time agimin do të zgjoj.+   Mes popujve do të të përlëvdoj, o Jehova,+mes kombeve për ty lavde do të këndoj!*+ 10  Se dashuria jote besnike është aq e madhe sa arrin deri në qiej,+besnikëria jote deri në kupën qiellore. 11  Qofsh i lartësuar mbi qiejt, o Perëndi! Rrezatoftë lavdia jote në mbarë tokën!+

Shënime në fund të faqes

Ose «dashurinë e tij besnike».
Fjalë për fjalë «lavdia ime!»
Ose «do të luaj melodi!»