Psalmet 41:1-13

  • Lutje nga shtrati i lëngatës

    • Perëndia i mbështet të sëmurët (3)

    • I tradhtuar nga miku i ngushtë (9)

Për mjeshtrin e korit. Këngë e Davidit. 41  Lum ai që mendon* për të varfrin;+në ditë të keqe Jehovai do ta shpëtojë.   Jehovai do ta ruajë e do ta mbajë gjallë,e mbi faqen e dheut, ai do të quhet i lumtur;+ti nuk ke për ta lënë kurrsesi në dorë të armiqve.+   Jehovai do ta mbështetë në shtratin e lëngatës;+gjatë sëmundjes, ti do ta shndërrosh shtratin e tij.*   Unë thashë: «O Jehova, ji zemërmirë me mua.+ Më shëro+ se kundër teje kam mëkatuar.»+   Gjithë shpirtligësi armiqtë thonë për mua: «Kur do të vdesë? Kur do t’i shuhet emri?»   Edhe kur ndonjë prej tyre vjen të më shohë,më flet nga një zemër hipokrite. I mban veshët hapur për të gjetur ndonjë të keqedhe me të ikur, thotë gjithë të zezat.   Të gjithë ata që më urrejnë,kurdisin kundër meje ndonjë të keqe e çuçurisin me njëri-tjetrin:   «E ka zënë një e keqe e madhe;tani që ka zënë shtratin, nuk do të ngrihet më.»+   Edhe miku im i ngushtë,*që i besoja+ e që hante bukë me mua,ka ngritur thembrën kundër meje.*+ 10  Por ti, o Jehova, ji zemërmirë me mua dhe më ngri,që t’ua kthej hakun siç e meritojnë. 11  Kur armiqtë e mi të mos brohorasin më triumfues kundër meje,+do ta kuptoj se je i kënaqur me mua. 12  Falë integritetit* tim, ti më mbështet+e pranë teje do të më mbash përgjithnjë.+ 13  Lëvduar qoftë Jehovai, Perëndia i Izraelit,për gjithë përjetësinë!*+ Amin, po, amin!

Shënime në fund të faqes

Ose «që tregon konsideratë».
Domethënë, në një shtrat shërimi.
Ose «miku që ishte në paqe me mua».
Ose «më është kthyer kundër».
Ose «jetë e mot!»