Psalmet 38:1-22

  • Lutje e një mëkatari të penduar

    • «Jam i brengosur e zemra më ka lëshuar» (6)

    • Jehovai i dëgjon ata që e presin për ndihmë (15)

    • «Mëkati im shpirtin ma mundonte» (18)

Këngë e Davidit si përkujtues.* 38  O Jehova, mos më korrigjo gjithë zemërim,mos më ndreq me tërbim!+   Se shigjetat e tua thellë më kanë shpuare dora jote mbi mua ka rënduar.+   Prej indinjatës sate, asnjë grimë të shëndetshme në trup s’kam;*prej mëkatit tim, kockat paqe s’më gjejnë,+   sepse fajet si re të zeza mbi kokë më janë grumbulluar,+si një barrë e rëndë, e tepërt për ta përballuar.   Nga kjo marrëzi imjaplagët më janë qelbëzuar dhe kundërmojnë.   Jam i brengosur e zemra më ka lëshuar,gjithë ditën e ditës endem i trishtuar.   Digjem zjarr përbrenda*e grimë të shëndetshme në trup s’kam.+   Jam mpirë i tëri e ndihem krejt i dërrmuar,ulërij nga rënkimet e kësaj zemre të copëtuar.   Çdo dëshirë timen, o Jehova, ti e sheh,psherëtimat e mia prej teje, jo, unë s’i fsheh. 10  Zemra më gulçon e fuqitë më kanë shteruar,kjo dritë e syve të mi krejt është shuar.+ 11  Prej plagëve të mia, të njohur e shokë më mënjanojnë,miqtë e ngushtë larg më qëndrojnë. 12  Gracka më ngrenë ata që jetën duan të më marrin;ata që mundohen të më bëjnë keq, flasin për të më rrënuar+e gjithë ditën e ditës gjithfarë marifetesh rrinë duke sajuar. 13  Por unë i mbyll veshët, sikur shurdh të isha;+një fjalë nuk e them, si gojë të mos kisha.+ 14  Jam bërë si ai që nuk dëgjon,që fjalë s’i del nga goja e veten s’e mbron, 15  se ty, o Jehova, të prita për ndihmë,+e ti m’u përgjigje, o Jehova, Perëndia im.+ 16  Unë thashë: «Për të keqen time, mos gëzofshin,në më shkaftë këmba, veten mos e lartësofshin.» 17  Se gati-gati përdhe u shemba,më kishte mbërthyer e s’më lëshonte dhembja.+ 18  Mëkati im shpirtin ma mundonte,+ndaj fajin tim e rrëfeva.+ 19  Por të gjallë e të fuqishëm janë armiqtë e mi,*ata që më urrejnë pa shkak, janë shtuar pa kufi. 20  Të mirën me të keqe ma shpërblyen,pse përpiqesha të bëja të mirën, kundër meje u kthyen. 21  Mos më braktis, o Jehova,mos më rri larg, o Perëndia im!+ 22  Nxito të më ndihmosh,o Jehova, shpëtimi im!+

Shënime në fund të faqes

Ose «për t’u kujtuar».
Ose «gjithë trupi po më vuan».
Fjalë për fjalë «Ijët po më digjen».
Një mundësi tjetër «Por ata që pa shkak janë armiqtë e mi, s’kanë të numëruar».