Psalmet 19:1-14

  • Krijimi dhe ligji i Perëndisë japin dëshmi

    • «Qiejt shpallin lavdinë e Perëndisë» (1)

    • Ligji i përsosur i Perëndisë të përtërin (7)

    • «Mëkatet që nuk i dalloj» (12)

Për mjeshtrin e korit. Këngë e Davidit. 19  Qiejt shpallin lavdinë e Perëndisë,+kupa* qiellore i bën jehonë veprës së duarve të tij.+   Ditë pas dite fjalët lumë u vërshojnë,natë pas nate njohurinë për të zbulojnë   pa zë e pa fjalë, jo, zëri nuk u dëgjohet.   E megjithatë, zëri i tyre në mbarë tokën kumbon,*deri në skajet e tokës mesazhi i tyre ushton.+ Në qiej ai ka ngritur një tendë për diellin,   që del si dhëndri nga dhoma e dhëndërisë,që nuk e mban vendi nga gëzimi si një burrë i fuqishëm tek vrapon në garë.   Në njërin skaj të qiejve linde deri në skajin tjetër rrotull shkon;+rrezeve të tij përvëluese asgjë s’mund t’u fshihet.   Ligji i Jehovait është i përsosur+ dhe t’i përtërin forcat;+përkujtuesit e Jehovait janë të besueshëm+ dhe e bëjnë të mençur njeriun e papërvojë.+   Urdhrat e Jehovait janë të drejtë dhe ta gëzojnë zemrën;+urdhërimet e Jehovait janë të pastra dhe t’i ndriçojnë sytë.+   Nderimi i thellë për Jehovain*+ është i pastër dhe zgjat përgjithmonë;vendimet që shpall Jehovai janë të vërteta, krejtësisht të drejta.+ 10  Të gjitha këto janë më të çmuara se ari, më të çmuara se shumë ar i kulluar,*+janë më të ëmbla se mjalti,+ më të ëmbla se mjalti i hojeve. 11  Ato e paralajmërojnë shërbëtorin tënd+dhe e shpërblejnë shumë kur ua vë veshin.+ 12  Kush mund t’i dallojë gabimet e veta?!+ Më shfajëso nga mëkatet që nuk i dalloj! 13  Mos e lejo shërbëtorin tënd që me arrogancë t’i kalojë caqet,+që veprime të tilla ta kenë në dorë!+ Atëherë do të jem i patëmetë,+i pafaj nga mëkatet flagrante.* 14  Fjalët e gojës sime dhe meditimi i zemrës sime,qofshin të këndshme për ty,+ o Jehova, Shkëmbi im,+ Shpenguesi im!*+

Shënime në fund të faqes

Ose «hapësira».
Një mundësi tjetër «litari i tyre për matje është shtrirë».
Fjalë për fjalë «Frika nga Jehovai». Shih Fjalorthin.
Ose «i rafinuar».
Ose «nga shumë shkelje».
Shih Fjalorthin, «Shpërblesa; Shpengimi».