Psalmet 143:1-12

  • I etur për Perëndinë

    • ‘Shqyrtoj veprat e tua’ (5)

    • «Më mëso të bëj vullnetin tënd» (10)

    • «Më pri me frymën tënde» (10)

Këngë e Davidit. 143  O Jehova, dëgjoje lutjen time!+ Vërja veshin përgjërimit tim për ndihmë! Përgjigjmu për hir të besnikërisë e të drejtësisë sate!   Mos hap gjyq kundër meje, kundër shërbëtorit tënd,se para teje asnjë i gjallë s’mund të dalë i drejtë.+   Armiku më është qepur këmba-këmbës,më ka shtypur e më ka vënë përfund;për fajin e tij, në skuta të errëta banoj, si ata që kanë vdekur prej shumë kohësh.   M’u sos fryma* e jam i këputur,+të mpirë e kam këtë zemër në gji.+   Kujtoj kohët e largëta dhe meditoj* për gjithçka që ke bërë;+plot kureshtje shqyrtoj* veprën e duarve të tua.   Drejt teje i shtrij duart në lutje;si një tokë e zhuritur, i etur është shpirti im për ty.+ (Selah)   O Jehova, nxito të më përgjigjesh,+se më janë sosur fuqitë.*+ Mos i largo sytë prej meje,+se do të katandisem si ata që përfundojnë në gropë.*+   Në mëngjes më lër të dëgjoj për dashurinë tënde besnike,sepse te ti kam besim. Më trego udhën ku duhet të eci,+sepse drejt teje i ngre sytë.   Më çliro nga armiqtë, o Jehova,se vetëm te ti kërkoj strehë.+ 10  Më mëso të bëj vullnetin tënd,+ sepse ti je Perëndia im. Ti je i mirë, ndaj më pri me frymën tënde në vendin e drejtësisë.* 11  O Jehova, për hir të emrit tënd, më mbaj gjallë! Me drejtësinë tënde më çliro nga vuajtjet!+ 12  Falë dashurisë sate besnike,zhduki nga faqja e dheut* kundërshtarët e mi,+shkatërroji të gjithë ata që më bien në qafë,+se unë jam shërbëtori yt.+

Shënime në fund të faqes

Ose «M’u sosën fuqitë».
Ose «mendoj thellë».
Ose «studioj».
Fjalë për fjalë «fryma».
Ose «varr».
Ose «në vend të sigurt».
Fjalë për fjalë «bëji të heshtin».