Psalmet 108:1-13

  • Lutje për fitore ndaj armiqve

    • Kot ta presësh shpëtimin nga njeriu (12)

    • «Falë Perëndisë do të marrim fuqi» (13)

Këngë e Davidit. 108  Zemra ime është e palëkundur, o Perëndi! Për ty do të këndoj e do të luaj melodi me tërë qenien time.*+   Zgjohu, o instrument me tela! Zgjohu edhe ti, o harpë!+ Se me këngën time agimin do të zgjoj.   Mes popujve do të të përlëvdoj, o Jehova,mes kombeve për ty lavde do të këndoj!*   Se dashuria jote besnike është aq e madhe sa arrin deri në qiej,+besnikëria jote deri në kupën qiellore.   Qofsh i lartësuar mbi qiejt, o Perëndi! Rrezatoftë lavdia jote në mbarë tokën!+   Çlirona me të djathtën tënde dhe na u përgjigj,që të shtrenjtët e tu të shpëtojnë!+   Perëndia, i Shenjti,* tha: «Do të ngazëlloj e Sikemin+ do ta kaloj si trashëgimi;do ta mat luginën* e Sukotit+ e do ta jap si pronë.   Galadi+ është imi, sikurse Manaseu;Efraimin e kam si helmetë* për kokën,+Judën, si shkop komandanti.+   Moabi është legeni ku laj këmbët,+në Edom do të hedh sandalen time,+e për disfatën e Filistisë do të brohoras triumfues.»+ 10  Kush do të më çojë drejt fitores kundër qytetit të fortifikuar? Kush do të më prijë kundër Edomit?+ 11  A nuk je ti, o Perëndi, që na ke hedhur poshtë?! Ti, o Perëndia ynë, që nuk marshon më me ushtritë tona?!+ 12  Na ndihmo në kohë të vështirë,+sepse është e kotë të presësh shpëtimin nga njeriu.+ 13  Falë Perëndisë do të marrim fuqi,+dhe ai vetë do t’i shkelë me këmbë kundërshtarët tanë.+

Shënime në fund të faqes

Fjalë për fjalë «edhe me lavdinë time».
Ose «do të luaj melodi!»
Një mundësi tjetër «në vendin e tij të shenjtë».
Ose «ultësirën».
Fjalë për fjalë «fortesë».