Veprat e Apostujve 6:1-15

  • Shtatë burra zgjidhen për të shpërndarë ushqimin (1-7)

  • Stefani akuzohet për blasfemi (8-15)

6  Ato ditë, ndërkohë që dishepujt shtoheshin, judenjtë që flitnin greqisht, filluan të ankoheshin për judenjtë që flitnin hebraisht, sepse vejushat e tyre liheshin pas dore kur bëhej shpërndarja e përditshme e ushqimit.+  Atëherë, të Dymbëdhjetët thirrën pranë vetes dishepujt dhe u thanë: «Nuk është e drejtë* që ne të lëmë fjalën e Perëndisë për të shpërndarë ushqim nëpër tryeza.+  Prandaj, vëllezër, zgjidhni mes jush shtatë burra me reputacion të mirë,*+ të cilët janë plot frymë* dhe mençuri,+ që t’i emërojmë në këtë detyrë të nevojshme,+  kurse ne do t’i kushtohemi lutjes dhe mësimit* të fjalës së Perëndisë.»  Kjo që thanë, u pëlqeu gjithë dishepujve, dhe zgjodhën Stefanin, një njeri plot besim dhe frymë të shenjtë, si edhe Filipin,+ Prohorin, Nikanorin, Timonin, Parmenin e Nikolaun, një prozelit nga Antiokia.  I çuan tek apostujt, të cilët, pasi u lutën, vunë duart mbi ta.*+  Kështu, fjala e Perëndisë vazhdonte të përhapej,+ dhe numri i dishepujve në Jerusalem shtohej jashtëzakonisht shumë.+ Besimin e pranuan edhe një numër i madh priftërinjsh.+  Tani, Stefani, të cilit Perëndia i kishte dhënë miratimin e tij dhe fuqi të jashtëzakonshme, bënte mrekulli* dhe shenja të mëdha mes popullit.  Por disa njerëz nga Sinagoga e Libertinëve, ca të tjerë nga kirenasit, aleksandrinët dhe disa nga Kilikia e Azia, filluan të bënin fjalë me Stefanin. 10  Megjithatë nuk mundën t’i bënin ballë mençurisë dhe frymës së shenjtë me anë të së cilës fliste ai,+ 11  prandaj, fshehtas, ua mbushën mendjen ca njerëzve që të thoshin: «E kemi dëgjuar të thotë gjëra blasfemuese* kundër Moisiut dhe Perëndisë.» 12  Kështu trazuan popullin, pleqtë dhe skribët, u sulën befas mbi të, e çuan me forcë para Sinedrit. 13  Ata paraqitën dëshmitarë të rremë, që thanë: «Ky njeri flet vazhdimisht kundër këtij vendi të shenjtë dhe kundër Ligjit. 14  Për shembull, e kemi dëgjuar të thotë se ai Jezu nazareasi do ta rrëzojë këtë vend e do të ndryshojë zakonet që na la Moisiu.» 15  Të gjithë ata që ishin ulur në Sinedër, ia kishin ngulur sytë dhe panë që fytyra e tij ishte e qetë si fytyra e një engjëlli.

Shënime në fund të faqes

Ose «e pëlqyeshme për Perëndinë».
Ose «shtatë burra për të cilët flitet mirë».
Ose «frymë të shenjtë».
Fjalë për fjalë «shërbimit».
Shih Fjalorthin, «Vënia e duarve».
Ose «çudira».