Psalmet 26:1-12

  • Të ecim me integritet

    • «Më heto, o Jehova» (2)

    • Të shmangim shoqërinë e keqe (4, 5)

    • ‘Do të marshoj rreth altarit të Perëndisë’ (6)

Psalm i Davidit. 26  Më gjyko, o Jehova, sepse kam ecur me integritet.*+ Te ti, o Jehova, kam besuar pa u lëkundur!+   Më heto, o Jehova, e më vër në provë,më rafino në skutat më të thella të mendjes* e të zemrës,+   sepse dashurinë tënde besnike e kam gjithnjë para syvedhe sipas së vërtetës sate eci.+   Nuk rri* me mashtruesit+dhe hipokritët i shmang.*   Shoqërinë e të ligjve e urrej+dhe me të këqijtë nuk pranoj të rri.*+   Do t’i laj duart në pafajësidhe rreth altarit tënd, o Jehova, do të marshoj gjithnjë,   që falënderimet e mia të ushtojnë,+që tërë veprave të tua të mrekullueshme t’u bëj jehonë.   O Jehova, sa e dua shtëpinë ku banon ti,+këtë vend ku rri lavdia jote!+   Mos më fshi nga faqja e dheut bashkë me mëkatarët,+mos ma merr jetën bashkë me njerëzit e dhunshëm,* 10  që i ndyjnë duart me veprime të turpshme,që të djathtën e kanë plot ryshfete. 11  Kurse unë do të eci me integritet,ndaj më shpëto* dhe ji zemërmirë me mua. 12  Këmbët i kam në vend të sigurt;+në kongregacionin e madh,* o Jehova, do të të lëvdoj!+

Shënime në fund të faqes

Ose «ndjenjat më të thella». Fjalë për fjalë «veshkat».
Fjalë për fjalë «Nuk ulem».
Ose «dhe nuk përzihem me njerëzit që e fshehin se ç’janë».
Fjalë për fjalë «të ulem».
Ose «me fajtorët e gjakut».
Fjalë për fjalë «më shpengo». Shih Fjalorthin, «Shpërblesa; Shpengimi».
Fjalë për fjalë «në asamble».