Psalmet 16:1-11

  • Jehovai, Burimi i mirësisë

    • «Ti, o Jehova, je pjesa ime» (5)

    • ‘Mendimet e mia më ndreqin natën’ (7)

    • ‘Jehovai është në të djathtën time’ (8)

    • «Ti nuk do të më lësh në Varr» (10)

Miktam* i Davidit. 16  Më mbro, o Perëndi, se te ti kam gjetur strehë!+   I thashë Jehovait: «O Jehova, ti je Burimi i mirësisë sime.   Ç’ma kënaqin shpirtingjithë të shenjtët* mbi faqen e dheut,po, gjithë të lavdishmit!»+   Veç dhembje do të kenë ata që rendin pas perëndive të tjera,+por unë kurrë nuk do t’u blatoj pije me gjak siç bëjnë ata,jo, kurrë nuk do t’ua zë emrat në gojë.+   Ti, o Jehova, je pjesa ime, shorti im,+ kupa ime;+trashëgiminë time e ruan veç ti.   Ç’vende të këndshme më kanë rënë për pjesë! Po, jam i kënaqur me trashëgiminë time.+   Unë do të lëvdoj Jehovain që më këshillon;+edhe natën mendimet e mia më të thella* më ndreqin.+   E mbaj Jehovain gjithnjë para syve.+ Ai është në të djathtën time, ndaj nuk do të lëkundem kurrë.+   Ja pse zemra më gëzon,gjithë qenia ime* ngazëllon dhe i sigurt jetoj,* 10  sepse ti nuk do të më lësh* në Varr,*+nuk do të lejosh që besniku yt të shohë gropën.*+ 11  Ti më tregon shtegun e jetës;+pranë teje mbushem me gëzim;+në të djathtën tënde gjej përherë lumturi.*

Shënime në fund të faqes

Ose «ndjenjat e mia më të thella». Fjalë për fjalë «veshkat e mia».
Fjalë për fjalë «lavdia ime».
Ose «trupi im jeton».
Ose «nuk do ta braktisësh shpirtin tim».
Ose «Sheol», pra, në varrin e përbashkët të njerëzimit. Shih Fjalorthin.
Një mundësi tjetër «të shkatërrohet».
Ose «ëndje».