Proverbat 9:1-18

  • Mençuria e vërtetë fton (1-12)

    • «Falë mençurisë, të gjata do të jenë ditët e tua» (11)

  • Gruaja e pamend fton (13-18)

    • «Të ëmbla janë ujërat e vjedhura» (17)

9  Mençuria e vërtetë e ka ndërtuar shtëpinë e vet,i ka gdhendur* shtatë shtyllat e saj.   Ka bërë gati mishin,*e ka përzier verën aromatikedhe e ka shtruar tryezën.   I ka dërguar shërbëtorettë thërrasin nga pikat e larta të qytetit:+   «Kush është pa përvojë, le të vijë këtu.» Ajo i thotë kujtdo që nuk ka gjykim të mirë:*   «Eja, ha bukën time! Pi edhe ti nga vera ime aromatike!   Fito përvojë* që të jetosh,+dhe ec përpara në udhën e arsyes.»+   Ai që ndreq tallësin, i hap derën çnderimit,+dhe ai që korrigjon njeriun e lig, do të lëndohet.   Mos e korrigjo tallësin, sepse do të të urrejë.+ Korrigjo të mençurin, dhe ai do të të dojë.+   Jepi njohuri të mençurit, dhe do të bëhet më i mençur.+ Mësoje të drejtin, dhe do t’i shtohet dituria. 10  Të kesh nderim të thellë për Jehovain,* është hapi i parë drejt mençurisë,*+dhe të njohësh Më të Shenjtin,+ të jep aftësi për të kuptuar. 11  Falë mençurisë, të gjata do të jenë ditët e tua,+dhe të shumta vitet e jetës sate. 12  Nëse bëhesh i mençur, bëhesh për të mirën tënde,e nëse je tallës, vetëm ti do t’i vuash pasojat. 13  Gruaja e pamend është llafazane,+injorante dhe kokëboshe. 14  Ajo rri ulur në hyrje të shtëpisë,në vendet e larta të qytetit.+ 15  U thërret atyre që kalojnë pranë,atyre që ecin drejt në udhën e tyre: 16  «Kush është pa përvojë, le të vijë këtu.» Ajo u thotë atyre që nuk kanë gjykim të mirë:*+ 17  «Të ëmbla janë ujërat e vjedhuradhe e këndshme është buka e ngrënë në fshehtësi.»+ 18  Por s’e dinë që atje janë ata që dergjen të pafuqishëm në vdekje,që mysafirët e saj janë në thellësitë e Varrit.*+

Shënime në fund të faqes

Ose «i ka latuar».
Fjalë për fjalë «E ka therur të therurin».
Fjalë për fjalë «i mungon zemra».
Ose «Hiq dorë nga të papërvojët».
Fjalë për fjalë «Frika nga Jehovai». Shih Fjalorthin.
Fjalë për fjalë «fillimi i mençurisë».
Fjalë për fjalë «u mungon zemra».
Ose «e Sheolit», pra, të varrit të përbashkët të njerëzimit. Shih Fjalorthin.