Jonai 3:1-10

  • Jonai i bindet Perëndisë dhe shkon në Ninevi (1-4)

  • Ninevitët pendohen kur dëgjojnë mesazhin e Jonait (5-9)

  • Perëndia vendos të mos e shkatërrojë Ninevinë (10)

3  Atëherë fjala e Jehovait iu drejtua për herë të dytë Jonait:+  «Ngrihu e shko në Ninevi,+ në qytetin e madh, dhe atje shpall këtë që po të them.»  Atëherë Jonai u ngrit e shkoi në Ninevi,+ duke iu bindur fjalës së Jehovait.+ Ninevia ishte një qytet tejet i madh*​—duheshin tri ditë udhë në këmbë që ta përshkoje.  Kështu Jonai hyri në qytet dhe bëri një ditë udhë në këmbë duke shpallur:* «Edhe 40 ditë dhe Ninevia do të marrë fund.»  Atëherë njerëzit e Ninevisë treguan besim te Perëndia,+ shpallën një agjërim dhe u veshën me copë thesi,* nga më i vogli te më i madhi.  Kur fjala arriti te mbreti i Ninevisë, ai u çua nga froni, hoqi veshjen mbretërore, u mbulua me copë thesi dhe u ul në hi.  Përveç kësaj, nxori këtë shpallje anembanë Ninevisë: «Me dekret të mbretit dhe të fisnikëve të tij, asnjë njeri a kafshë, tufë a kope, të mos vërë gjë në gojë! Askush të mos hajë e as të mos pijë!  Të mbulohen me copë thesi, njerëz e kafshë, dhe secili të thërrasë me gjithë zemër Perëndinë e të heqë dorë nga rruga e keqe dhe nga dhuna.  Kush e di, mbase Perëndia i vërtetë e mendon edhe një herë* atë që ka ndër mend të bëjë dhe heq dorë nga zemërimi i zjarrtë, e kështu ne nuk marrim fund.» 10  Kur Perëndia i vërtetë pa veprat e tyre, se si hoqën dorë nga rruga e keqe,+ ai e mendoi edhe një herë* të keqen që kishte thënë se do t’u sillte dhe nuk e solli.+

Shënime në fund të faqes

Fjalë për fjalë «një qytet i madh përpara Perëndisë».
Një mundësi tjetër «hyri në qytet, bëri një ditë udhë në këmbë dhe nisi të shpallte».
Ose «i vjen keq për».
Ose «i erdhi keq për».