Jobi 35:1-16

  • Elihu nxjerr në pah arsyetimin e gabuar të Jobit (1-16)

    • Jobi thotë se është më i drejtë se Perëndia (2)

    • Perëndia është aq i lartë sa nuk ndikohet nga mëkati (5, 6)

    • Jobi duhet të presë Perëndinë (14)

35  Elihu vazhdoi:   «A je kaq i bindur që ke të drejtë të thuash: ‘Jam më i drejtë se Perëndia.’+   Se ti thua: ‘E ç’rëndësi ka për ty* nëse bëj të mirën? Mos kam fituar gjë ngaqë nuk kam mëkatuar?’+   Por unë do të të përgjigjem tydhe shokëve+ të tu bashkë me ty.   Ngriji sytë drejt qiellit dhe shih!Vështroji retë+ që janë më lart se ti!   Nëse ti mëkaton, ç’të keqe i bën atij?+ Nëse kryen më shumë faje,* ç’dëm i sjell?+   Nëse je i drejtë, mos po i jep diçka atij? Ç’merr ai nga ti?+   Ligësia jote ndikon vetëm te një njeri si ti,dhe drejtësia jote, veç te një bir njeriu.   Njerëzit thërrasin për ndihmë prej shtypjes së madhe;klithin për lehtësim nga sundimi* i të fuqishmëve.+ 10  Por asnjë nuk thotë: ‘Ku është Perëndia, Bërësi im i Madh,+ai që të nxit netëve t’i thurësh këngë lëvdimi?’+ 11  Ai na mëson neve+ më tepër se kafshët e tokës,+e na bën më të mençur se zogjtë e qiellit. 12  Njerëzit thërrasin për ndihmë, por ai s’u përgjigjet+sepse ai e sheh krenarinë e të ligjve.+ 13  Pa dyshim, Perëndia nuk i dëgjon kurrë britmat e shtirura;*+jo, i Plotfuqishmi nuk u kushton vëmendje. 14  Aq më pak do të të dëgjojë ty që ankohesh se nuk e sheh!+ Çështja jote ligjore është para tij, ndaj Atë duhet të presësh,+ 15  se ai nuk të ka kërkuar llogari i zemëruar,as nuk ua ka vënë veshin fjalëve të tua të rrëmbyera.+ 16  Prandaj Jobi e hap gojën më kot,dhe thotë fjalë pa fund ndonëse s’ka njohuri.»+

Shënime në fund të faqes

Ka shumë të ngjarë t’i referohet Perëndisë.
Ose «shkelje». Shih Fjalorthin.
Fjalë për fjalë «krahu».
Ose «gënjeshtrat».