Jobi 33:1-33

  • Elihu e korrigjon Jobin ngaqë e mban veten për të drejtë (1-33)

    • Gjendet një shpërblesë (24)

    • I kthehet gjallëria e ditëve të rinisë (25)

33  Tani Job, të lutem, dëgjoji fjalët e mia,dëgjo gjithçka që do të të them.   E pra, nuk mund të mos e hap gojën;gjuha ime* duhet të flasë se s’bën.   Fjalët e mia burojnë nga drejtësia e zemrës,+buzët e mia thonë me çiltërsi fjalë mençurie.   Fryma e Perëndisë më krijoi,+po, fryma e të Plotfuqishmit më solli në jetë.+   Nëse mundesh, m’u përgjigj;paraqiti argumentet e tua para meje;bëhu gati të mbrosh çështjen tënde.   Para Perëndisë së vërtetë jam njësoj si ti,se nga argjila jam bërë edhe unë.+   Prandaj s’ke pse trembesh nga unë,se nuk do të të rëndoj me fjalë.   U vura veshin fjalëve të tua,po, të dëgjova tek thoshe disa herë:   ‘Jam i kulluar, s’kam bërë asnjë mëkat;+jam i pastër, s’kam bërë asnjë faj.+ 10  Por Perëndia gjen arsye që të më kundërvihet,më konsideron armikun e tij.+ 11  M’i vë këmbët në fallaká,*tërë shtigjet e mia i heton.’+ 12  Por këtu nuk ke të drejtë, prandaj të përgjigjem: Perëndia qëndron shumë më lart se njeriu.*+ 13  Pse ngre akuza kundër Tij?+ Ngaqë nuk iu përgjigj fjalëve të tua?+ 14  Perëndia flet një herë, madje dy herë,por askush s’ia vë veshin; 15  flet nëpërmjet ëndrrave, vegimeve* të natës+kur njeriu bie në gjumë të thellë, kur fle në shtrat. 16  Atëherë ai ia hap njeriut veshët+dhe ia ngulit* në mendje mësimet e Tij, 17  që ta largojë nga veprimet e këqija+dhe ta mbrojë nga krenaria.+ 18  Ai ia ruan shpirtin nga gropa,*+dhe jetën që të mos ia marrë shpata.* 19  E korrigjon njeriun edhe me anë të dhembjeve në shtratin e vet,e me dhembjet e vazhdueshme të kockave, 20  aq sa i pështiroset bukae i neveritet edhe ushqimi më i shijshëm.+ 21  Mishi i tretet derisa s’shihet më,kockat që s’dukeshin, tani duken sheshit. 22  Shpirti i tij i afrohet gropës,*jeta e tij u afrohet atyre që sjellin vdekjen. 23  Nëse për të ka një lajmëtar,* një mbrojtës në një mijë,për t’i treguar njeriut ç’është e drejtë, 24  atëherë Perëndia i tregon mëshirë e i thotë:‘Mos lër që të përfundojë në gropë!*+ Kam gjetur një shpërblesë* për të!+ 25  Mishi iu bëftë më i freskët* se në rini!+ Iu ktheftë gjallëria si në ditët e rinisë!’+ 26  Ai do t’i përgjërohet Perëndisë,+ i cili do ta miratojë,dhe do të brohorasë plot hare teksa sheh fytyrën e Tij.Perëndia do ta konsiderojë përsëri të drejtë vdekatarin. 27  Para njerëzve ky do të shpallë:* ‘Mëkatova+ dhe të drejtën e shtrembërova,mirëpo nuk mora atë që meritoja.* 28  Perëndia e ka shpenguar shpirtin tim* që të mos përfundojë në gropë;*+tani jeta ime do të shohë dritë.’ 29  E pra, Perëndia i bën gjithë këto gjërady herë, madje tri herë, për njeriun, 30  që ta shpëtojë nga gropa*e që drita e jetës të shndritë mbi të.+ 31  Vërja veshin asaj që po të them, o Job! Më dëgjo! Rri në heshtje, se kam ende për të folur. 32  Po pate ndonjë fjalë për të thënë, shprehu;fol, se dua të të jap të drejtë. 33  Nëse s’ke çfarë të thuash, më dëgjo mua;rri në heshtje, dhe unë do të të mësoj mençurinë.»

Shënime në fund të faqes

Fjalë për fjalë «gjuha e qiellza ime».
Ose «vdekatari».
Fjalë për fjalë «ia vulos».
Ose «jetën nga varri».
Ose «një armë (shigjetë)».
Ose «Jeta e tij i afrohet varrit».
Ose «engjëll».
Ose «varr».
Shih Fjalorthin, «Shpërblesa; Shpengimi».
Ose «më i shëndetshëm».
Fjalë për fjalë «do të këndojë».
Një mundësi tjetër «dhe kjo nuk më solli dobi».
Ose «jetën time».
Ose «varr».
Ose «varri».