Jeremia 23:1-40

  • Barinj të mirë dhe të këqij (1-4)

  • Siguri nën ‘filizin e drejtë’ (5-8)

  • Dënohen profetët e rremë (9-32)

  • «Barra» nga Jehovai (33-40)

23  «Mjerë barinjtë që po i shkatërrojnë dhe po i hallakatin delet e kullotës sime!»​—thotë Jehovai.+  Kështu thotë Jehovai, Perëndia i Izraelit, kundër barinjve që kullotin popullin e tij: «Ju i hallakatni delet e mia, i shpërndani e nuk kujdeseni për to.+ Prandaj unë do t’ju ndëshkoj për shkak të veprimeve tuaja të liga,​—thotë Jehovai.  Pastaj do të mbledh mbetjen e deleve të mia nga të gjitha vendet ku i kam shpërndarë+ dhe do t’i kthej në kullotën e vet.+ Ato do të jenë të frytshme dhe do të shumohen shumë.+  Do të vë për to barinj, që do t’i kullotin vërtet.+ Ato nuk do të tremben, as do të tmerrohen, dhe asnjëra nuk do të humbasë,​—thotë Jehovai.  Ja, po vijnë ditët,​—thotë Jehovai,—​kur do t’i nxjerr Davidit një filiz*+ të drejtë. Një mbret do të mbretërojë+ dhe do të veprojë me gjykim të thellë, do të gjykojë me drejtësi e do të bëjë atë që është e drejtë në vend.+  Në ditët e tij, Juda do të shpëtojë+ dhe Izraeli do të banojë i sigurt.+ Atë do ta thërrasin me këtë emër: ‘Jehovai është drejtësia jonë.’+  Megjithatë po vijnë ditët,​—thotë Jehovai,—​kur nuk do të thuhet më: ‘Siç është e vërtetë që Jehovai rron, i cili nxori popullin e Izraelit nga vendi i Egjiptit!’,+  përkundrazi do të thuhet: ‘Siç është e vërtetë që Jehovai rron, i cili i nxori dhe i ktheu pasardhësit e shtëpisë së Izraelit nga vendi i veriut dhe nga gjithë vendet ku i kishte shpërndarë!’ E ata do të banojnë në vendin e tyre.»+  Më është thyer zemra nga profetët. Të gjitha kockat më dridhen. Jam bërë si një i dehur, si një burrë që e ka zënë vera,për shkak të Jehovait dhe të fjalëve të tij të shenjta. 10  Se vendi është mbushur me kurorëshkelës.+ Nga mallkimi, vendi është në zi,+dhe kullotat e shkretëtirës* janë tharë.+ Sjellja e tyre është e ligë dhe abuzojnë me pushtetin e tyre. 11  «Si profeti, edhe prifti janë ndotur.*+ Edhe në shtëpinë time e kam gjetur ligësinë e tyre,+​—thotë Jehovai. 12  Prandaj shtegu i tyre do të bëhet i rrëshqitshëm dhe sterrë;+do t’i shtyjnë dhe do të bien,sepse unë do të sjell mbi ta të keqen,vitin kur të lahen hesapet,​—thotë Jehovai. 13  Kam parë një sjellje të pështirë te profetët e Samarisë.+ Profecitë e tyre i nxit Baali,dhe ata e largojnë nga rruga e drejtë popullin tim, Izraelin. 14  Kam parë gjëra të llahtarshme te profetët e Jerusalemit,ata kryejnë kurorëshkelje+ dhe ecin në udhën e gënjeshtrës.+ U japin zemër* keqbërësvedhe asnjë nuk heq dorë nga ligësia e tyre. Për mua, të gjithë ata janë bërë si Sodoma,+dhe banorët e qytetit janë bërë si Gomorra.»+ 15  Kështu thotë Jehovai i ushtrive kundër profetëve: «Unë do t’i bëj që të hanë pelindhe do t’u jap të pinë ujë të helmuar,+sepse për faj të profetëve të Jerusalemit apostazia është përhapur në gjithë vendin.» 16  Kështu thotë Jehovai i ushtrive: «Mos i dëgjoni fjalët e profetëve që po ju profetizojnë.+ Ata ju mashtrojnë;*fjalët e tyre janë vegim* i zemrës së tyre+dhe nuk vijnë nga goja e Jehovait.+ 17  Atyre që nuk më respektojnë, u thonë vazhdimisht: “Jehovai tha: ‘Do të keni paqe.’”+ E kujtdo që ndjek zemrën e vet të pabindur, i thonë: ‘Asnjë e keqe nuk do të të bjerë.’+ 18  Por, kush është shoqëruar me ata që janë të lidhur ngushtë me Jehovain,që ta dëgjojë e ta kuptojë fjalën e tij? Kush ia ka vënë veshin fjalës së tij për t’iu bindur? 19  Ja, stuhia e Jehovait do të shpërthejë me tërbim;si një vorbull do të sillet rrotull mbi kokën e të ligjve.+ 20  Zemërimi i Jehovait nuk do të fashitetderisa të përmbushen dhe të plotësohen qëllimet e zemrës së tij. Në ditët e fundit do ta kuptoni qartë këtë. 21  Profetët nuk i dërgova unë, e megjithatë ata vrapuan. Nuk u thashë gjë, e megjithatë profetizuan.+ 22  Por, po të rrinin me ata që janë të lidhur ngushtë me mua,do ta kishin bërë popullin tim t’i dëgjonte fjalët e miadhe do t’i kishin kthyer nga udha e keqe e nga veprimet e liga.+ 23  Mos jam një Perëndi vetëm kur jam afër,​—thotë Jehovai,—​dhe kur jam larg, nuk jam më një Perëndi? 24  A mund të fshihet ndonjë njeri në vende të fshehta e unë të mos e shoh?+​—thotë Jehovai. A nuk i mbush unë qiejt dhe tokën?+​—thotë Jehovai. 25  Profetët që profetizojnë gënjeshtra në emrin tim i dëgjova të thonë: ‘Pashë një ëndërr! Pashë një ëndërr!’+ 26  Deri kur do të vazhdojë kjo në zemrën e profetëve që profetizojnë gënjeshtra? Ata profetizojnë dhelpërinë e zemrës së tyre.+ 27  Me anë të ëndrrave që i tregojnë njëri-tjetrit, duan që ta bëjnë popullin tim të ma harrojë emrin, ashtu si ma harruan emrin etërit e tyre për shkak të Baalit.+ 28  Profeti që ka parë një ëndërr, le ta tregojë ëndrrën, por ai që ka fjalën time duhet ta shpallë me besnikëri. Ç’të përbashkët kanë lëmishtet me drithin?​—thotë Jehovai. 29  A nuk është fjala ime si zjarr+ dhe si një çekan farkëtari, që e bën shkrepin copë e thërrime?+​—thotë Jehovai. 30  Prandaj unë jam kundër profetëve që i shtrembërojnë fjalët e mia për t’u thënë njerëzve atë që duan vetë,+​—thotë Jehovai. 31  Ja, unë jam kundër profetëve,​—thotë Jehovai,—​të cilët flasin nga vetja dhe thonë: ‘Ai shpall!’+ 32  Jam kundër profetëve që shohin ëndrra të rreme,​—thotë Jehovai,—​të cilët i tregojnë ato dhe e largojnë popullin tim nga udha e drejtë, për shkak të gënjeshtrave e të mburrjes së tyre.+ Por ata nuk i kam dërguar e as i kam urdhëruar unë, kështu që nuk do t’i sjellin fare dobi këtij populli,+​—thotë Jehovai. 33  Kur ky popull ose profeti a prifti të të pyesin: ‘Cila është barra* nga Jehovai?’, thuaju: ‘Ju jeni barra! E unë do t’ju hedh tej’,+​—thotë Jehovai.—​ 34  Sa për profetin ose priftin a popullin që thotë: ‘Kjo është barra* nga Jehovai!’, unë do ta ndëshkoj atë njeri dhe njerëzit e shtëpisë së tij. 35  Secili nga ju e pyet shokun dhe vëllanë e vet: ‘Si u përgjigj Jehovai? Ç’tha Jehovai?’ 36  Por mos e përmendni më barrën* nga Jehovai, sepse fjala e secilit prej jush është një barrë,* ngaqë i keni ndryshuar fjalët e Perëndisë së gjallë, Jehovait të ushtrive, Perëndisë tonë. 37  Kështu do t’i thuash profetit: ‘Ç’përgjigje të dha Jehovai? Ç’të tha Jehovai?’ 38  Nëse thoni akoma: ‘Barra* nga Jehovai!’, atëherë kështu thotë Jehovai: “Meqë thoni ‘Fjala jonë është barra* nga Jehovai’, ndonëse unë ju paralajmërova: ‘Mos thoni: “Barra* nga Jehovai!”’, 39  do t’ju flak larg meje, ju dhe qytetin që ju dhashë juve e paraardhësve tuaj. 40  Do t’ju mbuloj me poshtërim e turp të përhershëm, që nuk do të harrohet kurrë.”»+

Shënime në fund të faqes

Ose «trashëgimtar».
Ose «apostatë».
Fjalë për fjalë «Forcojnë duart e».
Ose «Po ju mbushin me shpresa të kota».
Ose «mesazhi i rëndë». Fjala hebraike ka kuptim të dyfishtë: «shpallje e rëndësishme nga Perëndia» ose «diçka e rëndë».
Ose «mesazhi i rëndë».
Ose «mesazhin e rëndë».
Ose «mesazh i rëndë».
Ose «Mesazhi i rëndë».
Ose «mesazhi i rëndë».
Ose «Mesazhi i rëndë».