Letra e Jakovit 5:1-20

  • Paralajmërim për të pasurit (1-6)

  • Perëndia na bekon kur presim me durim (7-11)

  • «Po-ja» juaj të jetë «po» (12)

  • Lutja me besim ka efekt të fuqishëm (13-18)

  • Të ndihmohet një mëkatar të kthehet (19, 20)

5  Dëgjoni tani, ju të pasur! Qani e vajtoni për gjithë të zezat që ju presin!+  Pasuritë tuaja janë kalbur; rrobat tuaja i ka grirë mola;+  ari dhe argjendi që keni grumbulluar, janë ndryshkur; ndryshku i tyre do të jetë si dëshmi kundër jush dhe do t’jua brejë mishin. Në të vërtetë ju keni grumbulluar zjarr për ditët e fundit.+  Ja, pagat që nuk u dhatë punëtorëve që korrën arat tuaja, thërrasin e thërrasin, dhe klithmat e korrësve për ndihmë i kanë vajtur në vesh Jehovait* të ushtrive.+  Ju keni jetuar në tokë mes lukseve për t’i bërë qejfin vetes. I keni majmur zemrat si bagëtitë për ditën e therjes.+  Keni dënuar e keni vrarë të drejtin. Ja pse ai po ju kundërvihet.  Tregoni, pra, durim, vëllezër, deri në praninë e Zotërisë.+ Ja, bujku e pret me durim frytin e çmuar të tokës derisa të vijë shiu i parë dhe shiu i fundit.+  Edhe ju prisni me durim+ dhe forcojini zemrat, sepse prania e Zotërisë është afruar.+  Mos murmuritni* kundër njëri-tjetrit, vëllezër, që të mos gjykoheni.+ Ja, Gjykatësi është afër, te dera. 10  Vëllezër, merrni si shembull vuajtjet+ dhe durimin+ e profetëve që folën në emër të Jehovait.*+ 11  Vërtet, ne i konsiderojmë të lumtur* ata që treguan qëndrueshmëri.+ Ju keni dëgjuar për qëndrueshmërinë e Jobit+ dhe e keni parë si e shpërbleu Jehovai,*+ se Jehovai* është shumë i dhembshur* e i mëshirshëm.+ 12  Mbi të gjitha, vëllezërit e mi, mos u betoni më as për qiellin, as për tokën dhe as për ndonjë gjë tjetër. Por «po-ja» juaj të jetë «po» dhe «jo-ja» juaj, «jo»,+ që të mos ju presë gjykimi. 13  A ka mes jush ndonjë që po vuan? Le të lutet pareshtur.+ A ka ndonjë që e ka zemrën të gëzuar? Le të këndojë psalme.+ 14  A ka mes jush ndonjë të sëmurë? Le të thërrasë pleqtë+ e kongregacionit,* dhe ata le të luten për të e ta lyejnë me vaj+ në emër të Jehovait.* 15  E lutja me besim do ta shërojë të sëmurin,* dhe Jehovai* do ta rimëkëmbë. E nëse ka kryer mëkate, do t’i falen. 16  Prandaj, rrëfejani hapur mëkatet+ njëri-tjetrit dhe lutuni për njëri-tjetrin, që të shëroheni. Përgjërimi i të drejtit ka shumë forcë.*+ 17  Elija ishte njeri me ndjenja si tonat, e megjithatë kur u lut me ngulm të mos binte shi, në vend nuk ra shi për tre vjet e gjashtë muaj.+ 18  Pas kësaj, ai u lut përsëri, e nga qielli ra shi, dhe toka dha fryt.+ 19  Vëllezërit e mi, nëse dikush nga ju largohet* nga udha e së vërtetës dhe një tjetër e kthen, 20  dijeni se ai që kthen një mëkatar nga udha e tij e gabuar,+ do ta shpëtojë* nga vdekja dhe do të mbulojë një shumicë mëkatesh.+

Shënime në fund të faqes

Ose «Mos u ankoni». Fjalë për fjalë «Mos psherëtini».
Ose «të bekuar».
Ose «ka shumë përzemërsi të ngrohtë».
Një mundësi tjetër «të lodhurin».
Ose «ka efekt të fuqishëm». Fjalë për fjalë «ka shumë forcë kur vepron».
Ose «dikush nga ju largon dikë tjetër».
Ose «do t’ia shpëtojë shpirtin».