Isaia 28:1-29

  • Mjerë pijanecët e Efraimit! (1-6)

  • Priftërinjtë dhe profetët e Judës janë të dehur (7-13)

  • «Besëlidhje me Vdekjen» (14-22)

    • Një gur i çmuar qosheje në Sion (16)

    • Puna e pazakontë e Jehovait (21)

  • Ilustrohet disiplina e mençur e Jehovait (23-29)

28  Mjerë kurora* pompoze* e pijanecëve të Efraimit+ dhe lulja e vyshkur e zbukurimit të saj të lavdishëm,e cila gjendet në krye të luginës pjellore të atyre që i ka mposhtur vera!   Ja, Jehovai do të dërgojë dikë të fortë dhe energjik,i cili do ta hedhë atë përtokë me forcë,si një stuhi breshri që buçet dhe si një furtunë që shkatërron,si një shtrëngatë e fuqishme që përmbyt.   Kurorat pompoze* të pijanecëve të Efraimitdo të shkelen me këmbë.+   Lulja e vyshkur e zbukurimit të saj të lavdishëm,që gjendet në krye të luginës pjellore,do të bëhet si fiku i hershëm para verësqë, kur dikush e shikon, e gëlltit sapo e merr në dorë.  Atë ditë, Jehovai i ushtrive do të bëhet si një kurorë e lavdishme dhe si një kurorë e bukur me lule për ata që do të mbeten nga populli i tij.+  Ai do të bëjë* që gjykatësit të gjykojnë me drejtësi dhe do të bëhet burim force për ata që e largojnë sulmin nga porta.+   Prifti dhe profeti e kanë humbur rrugën nga veradhe kanë shkuar sa andej këtej nga pijet alkoolike. Po, ata e kanë humbur rrugën nga alkooli,janë hutuar nga vera,kanë shkuar sa andej këtej nga alkooli. Këmbët u merren nga vegimet* që shikojnë,dhe gabojnë kur marrin vendime.+   Tavolinat e tyre janë mbushur me të vjella të fëlliqura​—s’ka mbetur vend pa u ndotur me to.   «Kë kërkon të mësojë ai? Kujt kërkon t’ia shpjegojë mesazhin? Foshnjave që sapo u është prerë qumështi,që sapo u është hequr gjiri? 10  Se ai thotë ‘urdhër pas urdhri, urdhër pas urdhri,litar për litar, litar për litar,*+pak këtu e pak atje’.» 11  Prandaj, ai do t’i flasë këtij populli me anë të atyre që u mbahet goja dhe që flasin një gjuhë të huaj.+ 12  Dikur u tha atyre: «Ky është vendi për të pushuar. Lëreni të lodhurin të pushojë, se ky është vendi për të marrë veten.» Por ata nuk deshën të dëgjonin.+ 13  Ja pse për ta, fjala e Jehovait ka për t’u bërë «urdhër pas urdhri, urdhër pas urdhri,litar për litar, litar për litar,*+pak këtu e pak atje»,me qëllim që kur të ecin,të pengohen e të bien mbrapsht,të dërrmohen, të zihen e të kapen në lak.+ 14  Prandaj dëgjoni fjalën e Jehovait, o mburracakë,o sundimtarë të këtij populli në Jerusalem, 15  sepse ju keni thënë: «Ne kemi bërë një besëlidhje me Vdekjen,+e një aleancë* me Varrin.* Kur papritur të vërshojë përmbytja,nuk do të na arrijë,se kemi gënjeshtrën si strehëe jemi fshehur te mashtrimi.»+ 16  Prandaj, Zotëria Sovran Jehova thotë: «Unë po vë si themel në Sion një gur të sprovuar,+një gur të çmuar qosheje+ të një themeli të sigurt.+ Asnjë që tregon besim tek ai, nuk do ta zërë paniku.+ 17  Drejtësia do të bëhet litari për matje,+dhe e drejta, niveli i muratorit.*+ Breshri do ta fshijë tej strehën e gënjeshtrësdhe ujërat do ta përmbytin vendin e fshehjes. 18  Besëlidhja juaj me Vdekjen do të prishet,e marrëveshja juaj me Varrin* nuk do të zgjatë.+ Kur përmbytja të vërshojë papritur,do t’ju fshijë tej. 19  Sa herë që të vërshojë,do t’ju marrë me vete,+sepse do të vërshojë mëngjes për mëngjes,ditën dhe natën. Vetëm tmerri do t’i bëjë ta kuptojnë atë që dëgjuan.»* 20  Se shtrati është tepër i shkurtër për t’u shtrirëdhe çarçafi tepër i ngushtë për t’u mbështjellë. 21  Jehovai do të ngrihet si në malin Perazim,do të nxitet që të veprojë si në luginën* afër Gibeonit,+që të kryejë veprën e tij​—veprën e tij të çuditshme,dhe punën e tij​—punën e tij të pazakontë.+ 22  E tani, mos përqeshni,+që të mos ju shtrëngojnë edhe më shumë vargonjtë,sepse kam dëgjuar nga Zotëria Sovran, Jehovai i ushtrive,që ka vendosur ta shkatërrojë të gjithë vendin.*+ 23  Mbani vesh dhe dëgjojeni zërin tim! Kushtojuni vëmendje fjalëve të mia dhe dëgjojini! 24  A e lëron tokën bujku gjithë ditën para se të mbjellë farë? A i shkrifton dhe a i thërrmon plisat e tokës vazhdimisht?+ 25  Pasi sheshon sipërfaqen e saj,a nuk shpërndan farën e zezë dhe a nuk mbjell qimnonin?* A nuk e mbjell grurin, melin dhe elbin në vendin e caktuar,kurse speltën*+ anëve të arës? 26  Ai e mëson* atë siç duhet;Perëndia i tij e udhëzon,+ 27  sepse fara e zezë nuk shtypet me shirëse,*+dhe mbi qimnonin nuk kalohet rrota e karrocës. Përkundrazi, fara e zezë rrihet me thupërdhe qimnoni me shkop. 28  A e thërrmon krejt drithin dikush për të bërë bukë? Jo, ai nuk e shin* pa pushim.+ Edhe kur kalon mbi të me rulat e karrocës të tërhequr nga kuajt,ai nuk i thërrmon kokrrat.+ 29  Edhe kjo vjen nga Jehovai i ushtrive,qëllimi* i të cilit është i mrekullueshëm,veprat e të cilit janë madhështore.*+

Shënime në fund të faqes

Me sa duket i referohet kryeqytetit, Samarisë.
Ose «fodulle; krenare».
Ose «fodulle; krenare».
Ose «Ai do të bëhet një frymë motivuese».
Ose «litar për matje mbi litar për matje, litar për matje mbi litar për matje».
Ose «litar për matje mbi litar për matje, litar për matje mbi litar për matje».
Një mundësi tjetër «kemi parë të njëjtin vegim».
Ose «Sheolin», pra, në varrin e përbashkët të njerëzimit. Shih Fjalorthin.
Ose «plumbçja».
Ose «Sheolin», pra, në varrin e përbashkët të njerëzimit. Shih Fjalorthin.
Një mundësi tjetër «Kur ta kuptojnë, ata do të tmerrohen krejt».
Ose «ultësirën».
Ose «të gjithë tokën».
Ose «kuminin?»
Ose «e disiplinon; e ndëshkon».
Shih Fjalorthin, «Lëmi; Shirja».
Ose «këshilla».
Ose «dhe mençuria praktike e të cilit është madhështore».