Isaia 1:1-31

  • Një baba dhe bijtë rebelë (1-9)

  • Jehovai urren adhurimin sa për sy e faqe (10-17)

  • «Le t’i ndreqim gjërat mes nesh» (18-20)

  • Sioni do të rivendoset si qytet besnik (21-31)

1  Vegimi* që pa Isaia,*+ biri i Amozit, për Judën dhe Jerusalemin në ditët e Uziahut,+ Jotamit,+ Akazit+ dhe Hezekisë,+ mbretër të Judës:+   Dëgjoni, o qiej, mbaj vesh, o tokë,+sepse Jehovai thotë: «Ushqeva e rrita bij,+por ata ngritën krye kundër meje.+   Demi e njeh mirë atë që e ka blerëdhe gomari grazhdin e të zotit;kurse Izraeli nuk më njeh mua,*+populli im nuk vepron me mend.»*   Mjerë kombi mëkatar,+populli i ngarkuar me faje,ky brez keqbërësish, këta bij të ligj! Ata kanë braktisur Jehovain,+për të Shenjtin e Izraelit nuk kanë treguar respekt,i kanë kthyer shpinën.   E ku t’ju godas më,ju që nuk hiqni dorë nga rebelimi?+ Kokën e keni të sëmurë,dhe zemra ju lëngon.+   Nga koka deri te këmbët s’keni asgjë të shëndetshme. Keni të vrara, të nxira e plagë të hapura,që as janë mjekuar,* as janë fashuar dhe as janë zbutur me vaj.+   Vendi juaj është i shkretë,zjarri i ka shkrumbuar qytetet tuaja. Të huajt po jua gllabërojnë tokën përpara syve.+ Çdo gjë është shkretuar, siç ndodh pas një pushtimi.+   Bija e Sionit ka mbetur si një kasolle në vresht,si një barakë në arën me kastraveca,si një qytet nën rrethim.+   Po të mos kishte lënë Jehovai i ushtrive disa të mbijetuar,do të ishim bërë njësoj si Sodomadhe do t’i kishim ngjarë Gomorrës.+ 10  Dëgjojeni fjalën e Jehovait, o tiranë* të Sodomës!+ Dëgjojeni me vëmendje ligjin* e Perëndisë tonë, o banorë të Gomorrës!+ 11  «Ç’më duhen mua gjithë flijimet tuaja?+​—thotë Jehovai. Më kanë ardhur në majë të hundës blatimet e djegura të deshve+ dhe dhjami i kafshëve të majme.+ Gjaku+ i demave të rinj,+ i qengjave dhe i cjepve,+ nuk më kënaq fare. 12  Kur vini të paraqiteni para meje,+kush ju kërkoi të vinidhe të shkelni në oborret e mia?+ 13  Mjaft sollët blatime të kota në drithë. Temjani juaj më është pështirosur,+po njësoj edhe hëna e re,+ sabati+ dhe asambletë tuaja,+se nuk duroj dot edhe të përdorni fuqi magjike,+ edhe të mbani asamble solemne. 14  I urrej* hënat e reja dhe festat tuaja. Më janë bërë barrë;u lodha dhe s’mund t’i duroj më. 15  Kur shtrini duart drejt meje për t’u lutur,unë i largoj sytë nga ju.+ Edhe pse më bëni shumë lutje,+unë nuk ju dëgjoj.+ Ju i keni duart tërë gjak.+ 16  Lahuni, pastrohuni;+m’i hiqni sysh ligësitë tuaja;mjaft bëtë keq!+ 17  Mësoni të bëni të mirën, kërkoni me ngulm drejtësinë,+ndreqni atë që shtyp të tjerët,mbroni të drejtat e jetimit*dhe çështjen e vejushës.»+ 18  «Ejani tani dhe le t’i ndreqim gjërat mes nesh,​—thotë Jehovai.+ Edhe pse mëkatet tuaja janë të kuqe flakë,do të bëhen të bardha si bora;+edhe pse janë të kuqe si gjaku,do të bëhen si leshi i bardhë. 19  Nëse jeni gati të dëgjoni,do të hani frytet e mira të vendit.+ 20  Por, nëse nuk pranoni dhe rebeloheni,do t’ju gllabërojë shpata,+sepse këtë e ka thënë vetë goja e Jehovait.» 21  Oh, si u kthye në prostitutë+ qyteti besnik!+ Ai ishte plot drejtësi;+në të banonte e drejta,+kurse tani banojnë vrasësit.+ 22  Argjendi yt është shndërruar në zgjyrë.+ Birra jote* është e holluar me ujë. 23  Princat e tu janë kokëfortë dhe ortakë të hajdutëve.+ Të gjithë ata vdesin për ryshfete dhe rendin pas dhuratave.+ Nuk i japin të drejtën jetimit*dhe shpërfillin çështjen ligjore të vejushës.+ 24  Prandaj Zotëria i vërtetë, Jehovai i ushtrive,i Fuqishmi i Izraelit, thotë: «Mjaft! Tani do t’i heq qafe kundërshtarët e mi;do të hakmerrem kundër armiqve të mi!+ 25  Unë do ta kthej dorën kundër teje,do ta pastroj zgjyrën tënde si me finjë*e do të t’i heq të gjitha papastërtitë.+ 26  Unë do të vë sërish gjykatës si dikurdhe këshilltarë si në fillim.+ Pas kësaj, ti do të quhesh Qytet i Drejtësisë, Qytet Besnik.+ 27  Sioni do të shpengohet*+ me anë të drejtësisë,dhe ata që do të kthehen, me anë të veprave të mia të drejta. 28  Rebelët dhe mëkatarët do të shkatërrohen së bashku,+dhe ata që e braktisin Jehovain, do të shfarosen.+ 29  Po, ju që dëshiruat pemët madhështore, do të turpëroheni,+dhe kopshtet* që zgjodhët, do t’jua nxijnë faqen.+ 30  Do të bëheni si një pemë e madhe me gjethe të vyshkura,+si një kopsht pa pikë uji. 31  I forti do të bëhet si fije liri,*dhe fryti i punës së tij si shkëndijë. Flakët do t’i përpijnë të dy bashkë dhe s’do të ketë kush t’i shuajë.»

Shënime në fund të faqes

Do të thotë «shpëtim nga Jehovai».
Ose «nuk njeh zotërinë e tij».
Ose «me kuptueshmëri».
Fjalë për fjalë «janë shtrydhur».
Ose «sundimtarë».
Ose «udhëzimin».
Ose «Shpirti im i urren».
Ose «fëmijës pa baba».
Ose «Birra jote prej gruri».
Ose «fëmijës pa baba».
Ose «sapun».
Shih Fjalorthin, «Shpërblesa; Shpengimi».
Me sa duket pemët dhe kopshtet që lidheshin me adhurimin e idhujve.
Fije që digjet kollaj.