Hozea 10:1-15

  • Izraeli, një hardhi e degraduar, do të shkatërrohet (1-15)

    • Mbjellin dhe korrin (12, 13)

10  «Izraeli është një hardhi e degraduar* që jep fryt.+ Sa më shumë rritet fryti i tij, aq më shumë i shton altarët;+sa më i mirë prodhimi i tokës së tij, aq më madhështore shtyllat e tij të shenjta.+   Zemra e tyre është hipokrite.*Tani do të gjenden fajtorë. Dikush do t’ua copëtojë altarët dhe do t’ua shkatërrojë shtyllat.   Ata do të thonë: ‘Ne nuk kemi mbret,+ sepse nuk kemi nderuar thellësisht Jehovain.* E ç’mund të bëjë një mbret për ne?!’   Thonë fjalë boshe, bëjnë be të rreme+ dhe besëlidhje. Kështu gjykimi ka mbirë si bimë helmuese në brazdat e arave.+   Banorët e Samarisë do të tremben për viçin-idhull të Beth-Avenit.+ Populli do të mbajë zi për të;kështu do të bëjnë edhe priftërinjtë e perëndive të huaja që gëzoheshin për të e për lavdinë e tij,sepse ai do të shkojë në mërgim, larg tyre.   Ai do të çohet në Asiri si dhuratë për një mbret të madh.+ Efraimi do të turpërohet,dhe Izraelit do t’i vijë turp për shkak të këshillës që ndoqi.+   Samaria dhe mbreti i saj do të zhduken,*+ashtu si një degëz e këputur në sipërfaqen e ujërave.   Vendet e larta* të Beth-Avenit,+ mëkati i Izraelit,+ do të shkatërrohen.+ Mbi altarët e tyre do të rriten gjemba dhe gjembaçë.+ Njerëzit do t’u thonë maleve: ‘Na mbuloni!’ dhe kodrave: ‘Bini mbi ne!’+   Ti ke mëkatuar që nga ditët e Gibeahut,+ o Izrael. Ata këmbëngulën në të njëjtin mëkat. Lufta nuk i zuri* bijtë e padrejtësisë në Gibeah. 10  Do t’i disiplinoj kur të kem dëshirë unë. Popujt do të mblidhen kundër tyre,kur ata të vihen nën zgjedhën e dy fajeve të tyre.* 11  Efraimi ishte një mëshqerrë e stërvitur që i pëlqente të shinte.* Kështu që nuk ia vura zgjedhën në qafën e saj të bukur. Tani unë do të bëj që dikush tjetër të vërë një zgjedhë mbi* Efraimin.+ Juda do të lërojë tokën; Jakobi do të thërrmojë plisat për të. 12  Mbillni farë me drejtësi dhe korrni dashuri besnike. Lëroni arën tuaj,+sa ka kohë për ta kërkuar Jehovain,+derisa ai të vijë dhe t’ju mësojë drejtësinë.+ 13  Por ju keni mbjellë ligësi,dhe keni korrur padrejtësi.+ Keni ngrënë frytin e mashtrimit,sepse keni pasur besim tek udha juaj,te numri i madh i luftëtarëve tuaj. 14  Një zhurmë lufte dëgjohet kundër popullit tënd,dhe qytetet e tua të fortifikuara do të rrënohen që të gjitha,+ashtu si rrënimi që solli Shalmani nga shtëpia e Arbelitditën e betejës kur nënat u bënë copë-copë pranë fëmijëve të tyre. 15  Kështu do ta pësosh, o Bethel,+ për shkak të ligësisë sate tejet të madhe. Në agim mbreti i Izraelit do të hiqet qafe* me siguri.»+

Shënime në fund të faqes

Një mundësi tjetër «e harlisur».
Ose «dinake; lajkatare».
Fjalë për fjalë «nuk i jemi frikësuar Jehovait». Shih Fjalorthin.
Fjalë për fjalë «do t’i bëj të heshtin».
Ose «nuk i shkatërroi plotësisht».
Domethënë, kur të mbajnë ndëshkimin e tyre si një zgjedhë.
Shih Fjalorthin, «Lëmi; Shirja».
Ose «të kalërojë».
Fjalë për fjalë «do ta bëj të heshtë».