Ezekieli 15:1-8

  • Jerusalemi, hardhi e pavlerë (1-8)

15  Fjala e Jehovait m’u drejtua akoma:  «Bir njeriu, a krahasohet hardhia* me ndonjë pemë tjetër a me degët e pemëve të pyllit?  A mund të marrësh prej saj një shkop për ndonjë punë? A mund të marrësh një kunj për të varur diçka?  Ajo është vetëm për të bërë zjarr; kur zjarri ia përpin të dyja anët dhe e shkrumbon në mes, a bën më për ndonjë punë?  Nëse nuk bën për asgjë kur nuk është djegur ende, aq më pak do të bëjë kur zjarri ta ketë përpirë e ta ketë shkrumbuar.  Prandaj kështu thotë Zotëria Sovran Jehova: ‘Siç e kam bërë hardhinë mes pemëve të pyllit për ta përdorur si dru zjarri, kështu do të bëj edhe me banorët e Jerusalemit.+  Unë jam kthyer* kundër tyre. Ata i kanë ikur zjarrit, por zjarri do t’i përpijë. E kur të kthehem kundër tyre, ju keni për ta marrë vesh se unë jam Jehovai.+  Unë do ta kthej vendin në shkreti,+ sepse ata kanë vepruar me pabesi’,+​—thotë Zotëria Sovran Jehova.»

Shënime në fund të faqes

Fjalë për fjalë «druri i hardhisë».
Fjalë për fjalë «kam kthyer fytyrën».