Ligji i përtërirë 9:1-29

  • Arsyeja pse iu dha Izraelit Toka e Premtuar (1-6)

  • Izraeli provokon katër herë Jehovain (7-29)

    • Viçi prej ari (7-14)

    • Moisiu ndërhyn (15-21, 25-29)

    • Tri provokime të tjera (22)

9  Dëgjo, o Izrael, ti sot po kalon Jordanin+ që të hysh e të marrësh pronat e kombeve më të mëdha e më të fuqishme se ti,+ të qyteteve të mëdha e të fortifikuara deri në qiell*+  dhe të një populli të madh e shtatlartë, të anakimëve,+ që ti i njeh e për të cilët ke dëgjuar të thuhet: ‘Kush mund t’u bëjë ballë bijve të Anakut?’  Dije mirë, pra, se Jehovai, Perëndia yt, do të shkojë përpara teje.+ Ai është një zjarr që përpin+ dhe do t’i shfarosë ata. Ai do t’i mposhtë para syve të tu, që ti t’i dëbosh* dhe t’i shkatërrosh menjëherë, siç të premtoi Jehovai.+  Kur Jehovai, Perëndia yt, t’i dëbojë para syve të tu, mos mendo: ‘Jehovai më solli në këtë vend që ta shtie në dorë,+ ngaqë jam i drejtë.’ Përkundrazi, Jehovai po i dëbon këto kombe për ty, sepse janë të ligj.+  Jo, nuk po hyn që të marrësh vendin e tyre as nga drejtësia jote, as nga ndershmëria e zemrës sate. Jehovai, Perëndia yt, po i dëbon këto kombe për shkak të ligësisë së tyre+ dhe për të përmbushur fjalën që Jehovai iu betua paraardhësve të tu, Abrahamit,+ Isakut+ dhe Jakobit.+  Dije pra, se Jehovai, Perëndia yt, nuk po ta jep këtë vend të mirë nga drejtësia jote, pasi ti je një popull kryeneç.*+  Kujto si e provokove Jehovain, Perëndinë tënd, në shkretëtirë, dhe mos e harro kurrë këtë.+ Ti u rebelove kundër Jehovait që nga dita kur dole nga Egjipti e derisa mbërrite në këtë vend.+  Madje edhe në Horeb e provokove Jehovain, dhe Jehovai u zemërua aq shumë me ty, sa gati-gati të shfarosi.+  Kur u ngjita në mal për të marrë pllakat e gurit,+ pllakat e besëlidhjes që bëri Jehovai me ty,+ qëndrova atje 40 ditë e 40 net+ pa ngrënë e pa pirë. 10  Jehovai më dha dy pllaka guri, të shkruara me gishtin e vet. Në to ishin të gjitha fjalët që Jehovai të kishte thënë në mal nga zjarri, ditën kur u mblodh asambleja.*+ 11  Pas 40 ditëve e 40 netëve, Jehovai më dha dy pllakat e gurit, pra pllakat e besëlidhjes. 12  Jehovai më tha: ‘Ngrihu e zbrit shpejt, sepse populli yt, që ti nxore nga Egjipti, ka vepruar me ligësi.+ Sa shpejt dolën nga udha në të cilën i urdhërova të ecnin dhe kanë bërë një shëmbëlltyrë prej metali!’*+ 13  Pastaj Jehovai më tha: ‘E kam parë këtë popull, dhe ja, është një popull kryeneç.*+ 14  Më lër ta shfaros e t’ia shuaj emrin nën qiell dhe të bëj prej teje një komb më të fuqishëm e më të madh se ai.’+ 15  Kështu, ndërsa mali ishte në flakë,+ u ktheva e zbrita prej tij me dy pllakat e besëlidhjes në duar.+ 16  Pastaj pashë dhe ja, ti kishe mëkatuar kundër Jehovait, Perëndisë tënd. Kishe bërë një viç prej metali.* Sa shpejt ishe larguar nga udha që Jehovai të urdhëroi të ndiqje!+ 17  Kështu i mora të dy pllakat, i flaka përtokë dhe i copëtova para syve të tu.+ 18  U përkula me fytyrë përtokë para Jehovait, si më parë, 40 ditë e 40 net. As hëngra e as piva,+ për shkak të të gjitha mëkateve që kishe kryer, sepse veprove me ligësi në sytë e Jehovait dhe e fyeve. 19  Faktikisht isha i tmerruar ngaqë Jehovai ishte zemëruar aq shumë me ty,+ sa gati-gati të shfarosi. Megjithatë Jehovai më dëgjoi edhe atë herë.+ 20  Po ashtu, Jehovai ishte aq i zemëruar me Aronin, sa ishte gati ta shfaroste,+ kështu që në atë rast iu përgjërova edhe për Aronin. 21  Pastaj mora viçin me të cilin mëkatove,+ e dogja në zjarr, e thërrmova dhe e bluajta krejt derisa u bë pluhur. Më pas pluhurin e hodha në përroin që zbriste nga mali.+ 22  Veç kësaj, ti e provokove Jehovain dhe ia ndeze zemërimin edhe në Taberah,+ Masah+ dhe Kibrot-Hatavah.+ 23  Kur Jehovai të nisi nga Kadesh-Barnea+ e të tha: ‘Ngjitu dhe shtije në dorë vendin që me siguri do të të jap’, prapë u rebelove kundër urdhrit të Jehovait, Perëndisë tënd,+ nuk tregove besim+ tek ai dhe nuk iu binde. 24  Ti je rebeluar kundër Jehovait që nga dita që të kam njohur. 25  Prandaj, ngaqë Jehovai kishte thënë se do të të shfaroste, u përkula me fytyrë përtokë para Jehovait për 40 ditë e 40 net.+ 26  Nisa t’i përgjërohesha Jehovait e t’i thosha: “O Zotëri Sovran Jehova, mos e zhduk popullin tënd nga faqja e dheut. Ai është trashëgimia jote*+ që ti e shpengove* me forcën tënde të madhe dhe e nxore nga Egjipti me dorë të fortë.+ 27  Kujto shërbëtorët e tu, Abrahamin, Isakun dhe Jakobin.+ Mos ia vër re këtij populli kokëfortësinë, ligësinë dhe mëkatin.+ 28  Përndryshe, populli i vendit nga na nxore, do të thotë: ‘Jehovai nuk mundi ta çonte këtë popull në vendin që u kishte premtuar dhe, ngaqë i urrente, i nxori në shkretëtirë për t’i vrarë.’+ 29  Sidoqoftë, ata janë populli yt dhe trashëgimia jote,*+ që ti i nxore me forcën tënde të madhe dhe me krahun tënd të fuqishëm.”*+

Shënime në fund të faqes

Domethënë, me mure shumë të larta.
Ose «shpronësosh».
Fjalë për fjalë «me qafë të fortë».
Ose «kongregacioni».
Ose «shtatore të derdhur».
Fjalë për fjalë «me qafë të fortë».
Ose «prej metali të derdhur».
Ose «zotërimi yt».
Shih Fjalorthin, «Shpërblesa; Shpengimi».
Ose «zotërimi yt».
Fjalë për fjalë «të shtrirë».