Enda bwa kuleshe myanda i mwanka

Omonaa Bible bu mukanda kinyi?

Omonaa Bible bu mukanda kinyi?

Bu . . .

  • mukanda wa binangu bya bantu?

  • mukanda wa myeele na myanda ya kupwandikisha?

  • su mbu Eyi dy’Efile Mukulu?

 AKYAMBA BIBLE

“Bifundwe byooso abebifundjile mu bukome bwa kikudi ky’Efile Mukulu.”​—2 Timotee 3:16, Ebuku dy’Efile Mukulu.

KYODI MULOMBEENE KUPETA SU WE MUTUULE LUKUMIINO MU BIBLE

Myaluulo ku nkonko ikata itale muwa obe.​—Myeele 2:1-5.

Bukunkushi bwibuwa mu nshalelo obe a kwifuku n’efuku.​—Misambo 119:105.

Lukulupilo lwa binyibinyi bwa mafuku aafiki.​—Beena-Looma 15:4.

 TWI BALOMBEENE KUKUMIINA AKYAMBA BIBLE SU?

Oolo, bwa ino myanda isatu:

  • Kwipushena kwa myanda i mwanka. Bible mmufundjibwe munda mwa bipwa bikile pa 1 600, kwi bantu bakumbeene kwikala 40. Bebungi ba kwabadi tababaadi bemonene nya. Sunga mbyabya, myanda i mu Bible ngipusheene, na ayakwila nka kina mwanda kimune!

  • Kululama kwa bafundji. Bangi bafundji ba myanda ya kala babaadi abapele kufunda myanda itale mushindo ubaadi beshikwanyi batshokole miilo yabo. Kadi, bafundji ba Bible abaadi bafunde na kululama kooso mpa na bibaadi bitshokolwe mwilo wabo.​—2 Myanda 36:15, 16; Misambo 51:1-4.

  • Kulombana kwa matemuki. Bible baadi mutemukye kubutulwa kwa kibundji kya kala kya Babilone bipwa pepi na 200 kumpala kwa kaka kabutu. (Yeeshaya 13:17-22) Bible baadi mutemukye mushindo ubaadi ubutudiibwe kibundji kya Babilone mpa n’eshina dya muntu baadi mwikibutule!​—Yeeshaya 45:1-3.

    Matemuki ebungi a mu Bible abaadi akumbane mu tu myanda tooso. Se bi na kya kwikala byabya bw’Eyi dy’Efile Mukulu?​—2 Mpyeele 1:21.

 BWA KUNANGUSHENA

Mushindo kinyi ulombeene Eyi dy’Efile Mukulu kulumbuula nshalelo oobe?

Bible alula luno lukonko mu YEESHAYA 48:17, 18 na 2 TIMOTEE 3:16, 17.