Enda bwa kuleshe myanda i mwanka

Enda bwa kuleshe kashibo ka myanda i mwanka

 LUKONKO 4

Ne kukita kinyi su ne mu kilubilo?

Ne kukita kinyi su ne mu kilubilo?

BWAKINYI BI NA MUULO?

Kukumiina bilubilo byobe akukwikasha bu muntu baapu kunyinga na a kukulupila.

BOODYA KUKITA KINYI?

Banda kupwandjikisha uno mwanda: Tim pakwete kwasha na benaaye, bakupila ndundo bakatanya lumweno lwa beena mutumba nabo.

Su noobe baadya kwikala Tim, boodya kukita kinyi?

BANDA KUNANGUSHEENA!

WE NA MYANDA ISATU YA KUKITA:

  1. Kusuuka.

  2. Kudimbiila ungi.

  3. Kulungula beena mutumba kibakitshika, na kwibalaa bwa kwibafuta lumweno lwabo.

We kukimba kusangula mwanda wa A. Kadi uuka’shi, mbikile buwa su okumiina kilubilo kyobe​—kya kutanya lumweno sunga kya ungi mwanda ooso.

 TUBINGILO TUSATU ATULESHA MUULO WA KUKUMIINA BILUBILO BYOOBE

  1. Nyi kintu kibuwa kya kukita.

    Bible akula’shi: “Twi na lukalo lwa kwikala na mwikêlo wi buwa mu myanda yooso.”​—Beena-Ebelu 13:18, EEM.

  2. Kebungi, bantu abalekyelaa baaba abakumiina bilubilo byabo.

    Bible akukula’shi: “Muntu adidi kufwamisha bito byaaye t’obesha nya, anka eebisokola bwa kwibileka abamufwila lusa.”​—Nkindji 28:13.

  3. Mwanda wi na muulo, nyi nkusangasha Efile Mukulu.

    Bible akula’shi: “Yehowa akuumbaa meeso aaye kwi mubi, mmufule penda balulame.”​—Nkindji 3:32.

Karina e mu bipwa 20, bakimbile kufya nshaye’shi abamufutshishaa kitadi mwanda wa kutambusha mootoka lubilo lukile. Kadi tabaadi moobeshe kumufya wanka looso nya. Karina akula’shi: “Kunyima kwa peepi na kipwa, papa batundwile’shi abanfutshisha kitadi mwanda wa kutambusha lubilo lukile. Bibaadi binkalashe bikata!”

Bibaadi bimulongyeshe kinyi? Karina akula’shi: “Kufwamisha kilubilo, akunyiinshaa kulwisha myanda. Su nku kala, abakekitundula!”

KYODYA KULONGYELA KU BILUBILO BYOBE

Bible akula’shi: “Atwe booso atulubâ misûsa ibungi.” (Shake 3:2, EEM) Akupu, nka bu bibatwibimono, kukumiina bilubilo byobe akuleesha’shi toodi muntu munyingye e na kwiyisha—na kukita kwa byabya nyi kwibuwa

Ungi mwanda su ouku bilubilo byobe, abikyebe nkupa dilongyesha. Ungi nsongwakashi abetanyina bu Vera akula’shi: “Nakumiinaa kumona kilubilo kyande kyooso bu kipaso kya kupeta dilongyesha dilombeene kunkwasha bwa kwikala muntu e buwa na kuuka kya kukita bilekeene ungi musango.” Tubande kutala byodi mulombeene kwibikita.

Su bwata nkinga ya nshobe bweyilwisha. We kukita kinyi

  • Kushaala muumiine mukulupile’shi nshobe t’ashinguula.

  • Kulungula nshobe kalolo bikitshinga.

  • Kulungula nshobe bikitshinga kadi odimbiile ungi.

Su bopanga mu kalaasa mwanda twekalanga mwilongyele. Kipwa we kukita kinyi?

  • Kwakula’shi mateta ekeele bukopo.

  • Kukumiina’shi noobe bapanga.

  • Kwakula’shi mulongyeshi ekalanga mukushikwe.

Kwikalakasha bwa bilubilo bya kala, kwi’nka bu kwibandjila mu lumweno aluleesha kunyima p’okwete kutashambusha mootoka

 Binobino banda kutuula yaaya myanda mu binangu, akupu opime kupwadjikisha’shi: (1) nnobe nshobe na (2) nnobe muulongyeshi. Omono’shi nshoobe na mulongyeshi oobe be kunangushena kinyi su boodya kukumiina musango umune bilubilo byobe? Be kunangusheena kinyi su boofi bilubilo byobe?

Binobino, banda kutentekyesha kilubilo kiboodi mukite kishaale, akupu waluule ino nkonko i pa kuushi.

Bokitshiine kilubilo kinyi? Bokitshiine kinyi kunyima?

  • Naadi mwikifwamishe.

  • Naadi mudimbiile ungi.

  • Naadi mwikikumiine musango umune.

Su toboodi mukumiine kilubilo kyobe, bopushiishe naminyi kunyima?

  • Kibakidile!​—Kalolo

  • Kwitopeka’shi​—Nadya kwakula bya binyibinyi.

Boodya kupwa wawa mwanda mu kalolo naminyi?

Boodi mulongyele kinyi ku kilubilo kyobe?

OMONO NAMINYI?

Bwakinyi bangi bantu abapelaa kukumiina bilubilo byabo?

Bantu be nkumona naminyi su okimba’nka kufwamisha bilubilo byobe, kadi be nkumona naminyi su okumiinaa bilubilo byobe?—Luka 16:10.