Enda bwa kuleshe myanda i mwanka

Enda bwa kuleshe kashibo ka myanda i mwanka

 DILONGYESHA 36

Mulayilo wa Yefetee

Mulayilo wa Yefetee

Beena Isaleele abaadi batombokyele dingi Yehowa babanga kulangwila b’efile ba madimi. Nsaa ibaadi beena Aamone batuukye beena Isaleele ngoshi, b’efile baabo tababaadi bebapaashe nya. Beena Isaleele abaadi bakyengye munda mwa bipwa bibungi. Kunyima, abalungwile Yehowa shi: ‘Twi bakulwishiishe. Kumina namu kwitupaasha kwi beshikwanyi n’etu.’ Beena Isaleele nkusasula ma nkishi aabo, abo nkubanga kulangwila Yehowa dingi. Yehowa tabaadi akumiina kwibamona dingi kwabakyengye nya.

Abaadi basangule Yefetee bwa kukunkusha mwilo bwabadya kulwa ngoshi na beena Aamone. Yefetee baadi mulungule Yehowa shi: ‘Su wetukwasha bwa kutshokola ngoshi, natshipi kumpala koobe shi, pangalukiila ku nshibo, muntu a kumpala atuuku mu nshibo mwande afikye mu kunkuukila, nakupa anka.’ Yehowa  bapushiishe luteko lwa Yefetee, aye nkumukwasha bwa kutshokola ngoshi.

Pabaadi Yefetee mwalukiile ku nshibo, nsogwakashi aaye umune eeleka nyi batukile mu kumukuukila. Batuukile na kusha na koombanga katumba. Yefetee badya kukita naminyi? Baadi mutentekyeshe mulayilo waye aakula shi: ‘Aa, mwan’ande mukashi! Bontwesha mu malwa. Ne mukite mulayilo kwi Yehowa. Bwa kwiulombasha, abitungu nkutume mu kufuba ku tabernakele ku Shilo.’ Kadi mwan’aye bamulungwile shi: ‘Nshami, su we mulee Yehowa, abitungu kwibilombasha. Anka nakutekye shi ngyende na kuwumbakana munda mwa myeshi ibidi na ba loole bande mu myengye. Su kubaapu nyi nyende.’ Nsongwakashi a Yefetee baafubile na lulamato looso ku tabernakele mu muwa waye ooso. Ku kipwa kyooso ba loole baaye abendanga ku Shilo mu kumutembela.

‘Yawa mufule mwan’aye mulume sunga mwan’aye mukashi kunkila’mi ta mundombeene nya.’​—Mateo 10:37