Yehowa balayile shi: ‘T’akukekala kwidila, mitanyo, mikumbo sunga lufu. Nakakumuna mpolo yooso ku meeso aabo. Bantu abakalubu myanda yooso ibubi ya kala.’

Yehowa batudile Adame na Eeva mu lupango lwa Edene bwa kushala mu butaale na mu muloo. Abaadi na kya kulangwila Nshabo umune a mwiyilu na kuusha nsenga na bana baabo. Adame na Eeva abaadi batombokyele Yehowa, anka mpàngo yaaye tayibaadi ishintulukye nya. Tubamono mu uno mukanda shi milayilo yooso y’Efile Mukulu ayilombanaa. Bufumu bwaye abukafwisha myabi ibungi pa nsenga, nka bu bibaadi mwibilee Abrahame.

Binobino, Satana, ba demo baaye na bantu booso bebubi t’abekala kwanka dingi nya. Bantu booso be na muwa abekala abalangwila Yehowa. T’atukakumbu maladi sunga nkufwa. Anka, atwikala efuku dyoso na mbidi bukome na kwikala na muloo  mwanda twi na muwa. Nsenga ayikafiki mpaladiiso. Muntu eese akekala na bidibwa bibuwa na nshibo ibuwa. Bantu abekala na kalolo kushi buntomboshi sunga etombo. Nyema ya mu kisuku tayiketutshinyi n’atwe namu t’atukeyitshinyi nya.

Akukeekala muloo ukata apakabanga Yehowa kusangusha bantu ku lufu. Atukakukila bantu ba kala abakasanguka bu Abele, Nowa, Abrahame, Sara, Moyiise, Luuta, Eshitele, na Daavide. Abakafubu neetu bwa kwikasha nsenga Mpaladiiso. Akukekala nsaa yooso midimo ibungi i na muulo ya kukita.

Yehowa akumiina shi okapetekyelwe. Okamwiuku mu mushindo oshobandjile kwelela kinangu. Byabya twifubwileyi peepi na Yehowa efuku dyoso kubanga binobino na bwa looso!

“Yehowa, Efile eetu, we mulombeene kupeta ntumbo, kineemo na bukome, mwanda obe ngi baapangile bintu byooso, bookyebele shi biikale panka, abyo nkupangiibwa.”​—Kibafumbwilwe 4:11