Enda bwa kuleshe myanda i mwanka

Bafwe be kwikala dingi na muwa?

Bafwe be kwikala dingi na muwa?

We kwamba shi . . .

  • oolo?

  • nya?

  • pangi?

 AKYAMBA BIBLE

“Akwikala kusanguka kwa balulame na kwa bashi-balulame.”​—Bikitshino 24:15, Bifundwe Biiselele.

KYODI MULOMBEENE KUPETA SU WE MUTUULE LUKUMIINO MU KUSANGUKA KWA BAFWE

Osambibwa nsaa yofwisha muntu oodi mufule.​—2 Beena-Kodinto 1:3, 4.

Otuuku mu bupika bwa kutshina kwa lufu.​—Beena-Ebreeyi 2:15.

Opete lukulupilo lwa binyibinyi lwa kwimonena dingi na bakwenu bapwe kufwa pabakasanguka.​—Yowano 5:28, 29.

 TWI BALOMBEENE KUKUMIINA AKYAMBA BIBLE SU?

Oolo, bwa ino myanda isatu:

  • Efile Mukulu nyi Mupangi a muwa. Bible etanyina Yehowa bu “nsulo ya muwa.” (Misambo 36:10; Bikitshino 17:24, 25) Aye mupe kyooso akitala muwa e na mushindo wa kwalusha muwa mwi muntu mufwe.

  • Kala Efile Mukulu baadi musangushe bantu ku bafwe. Bible alesha misango mwanda ibaadi bantu​—bakinga, bakulu, balume, na bakashi—​babushibwe ku bafwe. Bangi abaadi babuukye kunyima kwa nsaa ipeela, kadi kwi muntu baadi mukite mafuku ananka mu nyembo!​—Yowano 11:39-44.

  • Efile Mukulu e na lukalo lwa kubusha dingi bafwe. Yehowa mmushikwe lufu; elumonaa bu mwishikwanyi. (1 Beena-Kodinto 15:26) E “na lukalo” lwa kutshokola uno mwishikwanyi, lwa kubutula lufu ku bukwashi bwa lusangukilo. E na lukalo lwa kubuusha bano be mu binangu byaaye na kwibamona dingi na muwa.​—Yoobo 14:14, 15, New World Translation.

 BWA KUNANGUSHENA

Bwakinyi tukwete kununupa na kufwa?

Bible alula luno lukonko mu KIBANGILO 3:17-19 na BEENA-LOOMA 5:12.