Enda bwa kuleshe myanda i mwanka

Enda bwa kuleshe kashibo ka myanda i mwanka

Mayi ambangilo

Mayi ambangilo

EFILE MUKULU sha bukome boso, mmupangi a eyilu na nsenga. Muwa wetu wa binobino na wa mu mafuku aafiki, autukila nka kwadi. Aye e na bukome bwa kwelela muntu myabi sunga bwa ku munyoka. E na bukome bwa kupa muntu muwa na kumwata wanka. Su twibakuminyibwe naye atwikala na nshalelo e buwa; su ta twibakuminyibwe naye atupete nkalakashi. Byabya, bi na muulo ukata bwa shi lulangwilo lwetu lumusankishe!

Bantu abalangwilaa mu bipaso bilekene. Su kipwilo mbekipwandikishe n’eshinda, mashinda a bipwilo byoso mbeakumiine kwi Efile Mukulu su? Nya, ta ngoso nya. Yesu, mutemuki a Efile Mukulu, balesheshe shi kwi’nka penda mashinda abidi. Bambile shi: ‘Eshinda diangabale aditwaala [bantu] mu kushimina, na be bungi mbaaba abatwelela ku dianka; mwanda kipeela nyi nkibelo, na dibuungye nyi eshinda aditwaala [bantu] ku muwa, na [bantu] bapeela mbaaba abedipete.’—Mateo 7:13, 14. Kilombeeno kipya 2014

Kwi’nka penda bipwilo bibidi: Kimune akitwala ku muwa na kingi akitwala mu kushimina. Kepatshila ka uno broshire nka kukukwasha bwa shi opete eshinda aditwala ku muwa wa looso.