Enda bwa kuleshe myanda i mwanka

Enda bwa kuleshe kashibo ka myanda i mwanka

Ku mboko ibakashi: Bisangilo abikitshika paasha mu Londres mu Angleterre mu 1945; Ku mboko ibalume: Kikongeno ky’efuku dimune mu Malawi mu Afrique mu 2012

 KIPINDJI 5

Malongyesha a Bufumu—Kulongyesha Bafubi ba Nfumu

Malongyesha a Bufumu—Kulongyesha Bafubi ba Nfumu

 OSANGALA nsaa yokwete kutala sha mwisambo e kumpala. Nyi nsongwalume a mu kakongye kenu, na kwete kukita mwisambo waye wa kumpala ku kikongeno. Nsaa yosangeela mwisambo waye, we mulombeene penda kwikala na muloo wa malongyesha akwete kupeta mwilo w’Efile Mukulu. Otentekyesha mwisambo wa kumpala ubakitshine uno nsongwalume—na otala bibapu kwenda kula na kukita miisambo! Mulongyeshibwe mu Kalasa ka ba mbala- mashinda. Mu mafuku ashaale, aye na mukashi aaye abekalanga batwele mu Kalasa ka balungudi ba Bufumu. Nsaa yokwete kumukupiila bikashi bwa mwisambo waaye wibuwa, otala bantu booso na onangwila ku malongyesha akwete kupeta bafubi b’Efile Mukulu booso.

Bible baadi mutemukye mafuku aakekala bafubi b’Efile Mukulu bu “balondji ba Yehowa.” (Yesh. 54:13) Twi mu aa mafuku. Tukwete kupeta malongyesha kushii penda mu mikanda yetu kadi mpa na mu bisangilo, ku bikongeno bya mafuku asatu na bya kifunda, na mu tungi tulasa twabadi batuushe bwa kwitulumbuula bwashi tulombashe midimo kampanda yatudi nayo mu ndumbulwilo a Yehowa. Mu kino kipindji, atukyebe kutaluula mushindo wi ano malongyesha ooso ngatuushe bishinkamisho abilesha shi Bufumu bw’Efile Mukulu bukwete kumunana lelo uno.

MU KINO KIPINDJI

SHAPITRE 16

Kwibunga pamune bwa kulangwila

Mushindo kinyi watudi balombeene kupeta bukwashi patwibungu bwa kulangwila Yehowa?

SHAPITRE 17

Kulongyesha bafubi ba Bufumu

Mushindo kinyi wi kalasa ka teokrasi nkalumbule bafubi ba Bufumu bwabadya kulombasha mudimo wabo?