We kwamba shi nyi . . .

  • Nkintu ki mwishimba dyobe?

  • Ngakwilo a mu kifwanyi?

  • Guvernema e mwiyilu?

 AKYAMBA BIBLE

“Efile a mwiyilu eebwesha bufumu bwabashaabatuutu su ndimune.”​—Danyele 2:44, Bible bifundwe biiselele.

“Tubapebwa mwana, bufumu bwi pa mapampa aaye.”​—Yeeshaya 9:6.

KYODI MULOMBEENE KUPETA

  • Guvernema mululame mmulombeene nkukwasha pa bupenka.​—Yeeshaya 48:17, 18.

  • Mu ndumbulwilo mupya afiki, amwikala muwa na mbidi ipwidikye na muloo.​—Bifumbulwe 21:3, 4.

 TWI BALOMBEENE KUKUMIINA AKYAMBA BIBLE SU?

Oolo, bwa ino myanda ibidi:

  • Yesu balesheeshe myanda ayikakitshi Bufumu bw’Efile Mukulu. Yesu baadi mulungule balongi baaye bwabadya kuteka kufika kwa Bufumu bw’Efile Mukulu na akikyebe eshimba dyaye kikitshikye pa nsenga. (Mateo 6:9, 10) Yesu baadi muleeshe mushindo wabakyebe kwaluula luteko.

    Pabaadi kii pano pa nsenga, Yesu baadi mudiishe basha-nsala, nkupaasha basha-mikumbo, na kubuusha bafwe! (Mateo 15:29-38; Yowano 11:38-44) Bu byadi Nfumu a Bufumu bw’Efile mukulu, Yesu baadi muleeshe myanda ibuwa ikale bwabwa Bufumu abukakitshina bantu b’abukamunu.​—Bifumbulwe 11:15.

  • Myanda ayikitshika mu nsenga ayilesha patooka shi Bufumu bw’Efile Mukulu tabudi pepi. Yesu baadi mutemukye shi, mafuku apeela kumpala kwashi Bufumu bufwishe butaale pa nsenga, nsenga ayikala iule na ngoshi, nsala, na kutshinkatshinka kwa nsenga.​—Mateo 24:3, 7.

    Tukwete kumona yaaya myanda yooso lelo uno. Byabya twi balombeene kwikala na lukulupilo shi Bufumu bw’Efile Mukulu abukyebe kufudiisha ino myanda yooso mu mafuku apeela.

 BWA KUNANGUSHENA

Mu Bufumu bw’Efile Mukulu nshalelo akyebe nkekala naminyi?

Bible aluula luno lukonko mu MISAMBO 37:29 na YEESHAYA 65:21-23.