Enda bwa kuleshe myanda i mwanka

Enda bwa kuleshe kashibo ka myanda i mwanka

 NSHALELO A BWINA KIDISHITU

“Katushayi b’efile beenyi, bee munkatshii mwenu”

“Katushayi b’efile beenyi, bee munkatshii mwenu”

Yaakobo baadi auku’shi Yehowa nyi mulombene kulangwila nka penda’aye, sunga aa mafuku takubaadi kubande kwikala mwiya autosha kulangwila kwa ma nkishi. (Efi 20:3-5) Byabya, kunyima kwa Yehowa kumulungula bwa kwalukila ku Betele, Yaakobo balungwile booso babaadi naaye bwa kukatusha ma nkishi. Pabaadi Yaakobo akwiila bwa ma nkishi, nkusanga na tudibu, bibabadi abafwala pangi bu b’efile ba kwibakalwila. (Kib 35:1-4) Kushi mpaka Yehowa baadi musangale na bino bibakitshiine Yaakobo.

Mu ano eetu mafuku, mbikunyi byatudi balombene kulangwila nkapenda Yehowa? Abitungu tushikwe kintu kyoso ki mu kwipushena na lulangwilo lwa ma nkishi sunga malenganyi. Bino mbitale kupaka manga na kutaluula bintu byatukisha nabyo kapapi. Bu kileshesho, eyipushe’shi: ‘Nakishaa kapaapi na mikanda sunga ma video mwa bakwete kulesha myanda ya malenganyi na bikudi bibi su? Bintu byankishaa nabyo kapaapi bikwete kulesha’shi maji sunga kulwaa bantu bi bu mwanda wa maasha su?’ Abitungu twikale kula na kintu kyooso kyabadi bashikwe kwi Yehowa.​—Mis 97:10.

TALA VIDEO AMBA’SHI “SUKAYI DIABULU,” AKUPU WALULE KU INO NKONKO AYILONDO:

  • Mwanda kinyi ubaadi mu nshalelo a mulongi a Bible abetanyinaa bu Palesa?

  • Bwakinyi bi na muulo kukimba bukwashi kwi bakulu pabitale mwanda wa malenganyi?

  • Sukayi Satana, nulamate kwi Efile Mukulu.​—Shak 4:7, 8

    Su atukumina’shi Yehowa etukalwile, mbintu kinyi byatudi balombene kukatusha?

  • Nkitshibilo kinyi kikata kibaadi kyate Palesa?

  • Mbalo yodi mushale, mishindo kinyi ingi yodi mulombene kusuka bukitshishi bwa bikudi bibi?