Enda bwa kuleshe myanda i mwanka

Enda bwa kuleshe kashibo ka myanda i mwanka

 TULONGAMISHEYI MAYELE EETU MU MUDIMO WA BULUNGUDI

Tulongamisheyi mayele eetu mu mudimo wa bulungudi—Lumbuula oobe mushindo wa kubanga mwisambo bwa kupa muntu Jurnale

Tulongamisheyi mayele eetu mu mudimo wa bulungudi—Lumbuula oobe mushindo wa kubanga mwisambo bwa kupa muntu Jurnale
LEESHA

BWAKINYI BI NA MUULO: Sunga shi mishindo ya kubanga mwisambo i mu programe a bisangilo yekala ibuwa, nyi mpenda bileshesho. We kulumbuula mu byoobe bishima. We kukimba ungi mushindo wa kubanga mwisambo sunga kufubisha ungi mwisambo ausankisha bantu ba muteritware oobe. Byabya, kunyima kwa kubadika jurnale, taluula mishindo ya kubanga mwisambo na kubandjila ma video aalesha bya kubanga mwisambo, we kufubisha ino myanda ayilondo bwa kulumbuula oobe mushindo wa kubanga mwisambo.

USHINDO WA KWIBIKITA:

Eyipushe shi: ‘ne mulombeene kufubisha umune wa ku ino mishindo bwa kubanga mwisambo su?

OOLO

  • Lumbuula mayi oodi mulombeene kubanga nao mwisambo. Kunyima kwa kwimuna muntu muyiile kipikwa kya kwabo, mulungule mususa umune kibakufwisha. (Kileshesho: “Nafiki mu kwimonena nobe mwanda . . .”)

  • Taluula mushindo okafubisha lukonko, kifundwe, na winyi mukanda omupa. (kileshesho: Bwa kumubadikila kifundwe, we kwamba shi: “Lwaluulo lwi buwa twibalombeene kwilupeta pano.”)

NYA

  • Sangula mutwe wa mwanda aukusankisha mu jurnale na ulombeene kusankisha bantu ba mu teritware oobe

  • Lumbuula lukonko alukukwasha bwa kwiuka bi mweneno a muntu na alukaka binangu byaye ku mwisambo, kadi kushi kumwela nkonko ayimukalakasha. (Kileshesho: We kufubisha nkonko i mwisaki 2 dya jurnale ooso.)

  • Sangula kifundwe kya kubadika. (Su okwete kufuba na Réveillez-vous! we kubadika kifundwe su bokumiina. Mwanda uno jurnale mbamukite bwa baaba be na kiukilo kipela kya Bible na baaba bashabakuminaa kutwela mu kipwilo.)

  • Lumbuula mwaku umune sunga ibidi bwa kupatulwila muntu bilombeene kumukwasha wawa mwisambo nsaa yeubadika

SUNGA SHI

  • Lumbuula lukonko lwa kwaluula mususa aufiki

  • Bwa kutentekyesha byabya byokyebe nkakula, ebifunde pa kasaki