Yehowa mwelele bantu mwiya pabitale mwikelo wibuwa. Bu kileshesho, muleshe shi abitungu ba mulume na mukashi bekale pamune bwa looso, kushi kwiabulushena. (Mat 19:4-6, 9) Mmushikwe lusandi mu mishindo yalo yooso. (1Kod 6:9, 10) Mmutushe mpa na miiya pabitale nfwadilo na kipaso kya kwilumbuula akilesha shi bafubi baye mbelekene na bangi bantu.​—Miy 22:5; 1Tim 2:9, 10.

Bantu bebungi lelo uno, tabakwete kutumikila miiya ya Yehowa. (Lom 1:18-32) Bakwete kulonda nfwadilo, kipaso kya kwilumbuula na bikitshino bya bantu ba mu uno ndumbulwilo. Bakwete kwitumbisha bwa mwikelo wabo wibubi na kubepuula baaba bakwete kutumikila miiya ya Yehowa.​—1Mp 4:3, 4.

Bu byatudi ba Temwe ba Yehowa, abitungu tukwatshishene miiya yaye. (Lom 12:9) Bikunyi? Pa kwibalesha na budimu byabya abikumiinaa Yehowa. Kadi abitungu tufubishe yaaya miiya mu nshalelo eetu. Bu kileshesho, nsaa yatusangula bilamba na kipaso kya kwilumbuula abitungu twiyipushe shi: ‘Nfwandilo ande na kipaso kyande kya kwilumbuula, abilesha shi nkwete kunemeka miiya ya Yehowa su ya uno ndumbulwilo? Nfwadilo ande na kwilumbuula kwande, abilesha shi ne mwina Kidishitu atshinaa Efile su?’ Na dingi nsaa yatutala ku télévision sunga kubandila video, abitungu twiyipushe shi: ‘Yehowa mulombene kusankila bino byambandila? Nkwete kukwasthishena miiya yaye pabitale mwikelo wibuwa? Nkishishio ande a kapapi kwete kwipa miiya yaye? (Mis 101:3) Kwete kukokosha bena kifuko nami sunga bangi bantu?’​—1Kod 10:31-33.

Bwakinyi abitungu tukwatshishene miiya ya Yehowa pabitale mwikelo wibuwa? Mwanda Kidishitu abutula maumbo na bantu babi booso binobino. (Es 9:4-7) Penda baaba bakwete kukita akikyebe Efile ndjo abakapanda. (1Yo 2:15-17) Tukwatshisheneyi miiya ya Yehowa bwashi mwikelo wetu wibuwa utushe bu kamonyi na utumbishe Efile.​—1Mp 2:11, 12.

Bilamba byankuminaa kufwala na kipaso kyande kya kwilumbuula, abilesha shi nkwete kunemeka miya ya Yehowa?

LESHA VIDEO AMBA SHI: IKALA KUUKU A YEHOWA​—MULUME NA MUKASHI, KUNYIMA NWALUULE INO NKONKO:

  • Bwakinyi abitungu twikale na mwikelo ausankisha Yehowa?

  • Bwakinyi abitungu ba nambutwile balongyeshe bana baabo miiya ya Yehowa pabakibakinga?

  • Bantu bakulu na ba nsongwa be kukwasha bangi bwabadya kupeta kalolo k’Efile Mukulu naminyi?