Pabaadi Yesu pa nsenga, badi mushimikye kasele pa mwiya awamba shi: “Dinga nshoobe na nyinoobe.” (Efi 20:12; Mat 15:4) Bibadi bibofule bwa Yesu bwa kwakula bino, mwanda baadi ‘akookyela’ baledi baye pabaadi kii mukinga. (Luk 2:51) Nsaa ibafikile muntu mukulu, bakitshine mwaye mooso bwashi kwikale bantu abatala nkalo ya nyin’aye kunyima kwa lufu lwaye.​—Yo 19:26, 27.

Lelo uno namu, beena Kidishitu bakinga abakookyela baledi baabo na kwisamba nabo na kaneemo, abebadingi. Byabya, mwiya wa kudinga baledi beetu ta ngwimeene pa kipungo kampanda nya. Sunga byekala shi baledi betu abaanunupa, abituntu tutungunukye na kwibadinga na kwambula kapatupatu kabo. (Nki 23:22) Twi balombeene kudinga baledi beetu banunu nsaa y’atwibakwasha mu binangu mpa na bintu bya ku mbidi su kwi mushindo. (1Tim 5:8) Byatwikala bakinga sunga bakulu, kwisambanga kalolo na nsaa yooso na baledi betu nyi kintu kimune akileesha kwibadinga.

TALA VIDEO A MUNTU KWETE KUSOLA MBIKUNYI BYANDJI MULOMBEENE KWISAMBA NA BALEDI BANDE? KUBAPU WALUULE INO NKONKO AYILONDO:

  • Bwakinyi we kumona shi bi bukopo bwa kwisamba na baledi boobe?

  • Mbikunyi byodi mulombeene kudinga baledi boobe nsaa y’wesamba nabo?

  • Bwakinyi abintungu shi wekale wesamba na baledi bobe? (Mye 15:22)

    Kwisamba na baledi boobe nkulombeene nkukwasha bwa koobesha nshalelo oobe