Banda kwela binangu shi we mu Galileya mu kipungo kya Yesu. Bwende ku Yelusaleme ku Musangelo wa Tushibo twa mapema. Lupata nduule na balangwidi abakatukila kwibula. Okyebe kulambula Yehowa mulambu. We mukwate mbushi, akupu bobanga lwendo munkatshi mwa bibumbu bya bantu be mu miseese abende ku ntempelo. Pobofiki kwakwa, bopete bangi bantu baule ku ntempelo abakyebe namu kulambula. Binobino nsaa ya kutusha oobe mbushi kwi ba tshiite mwakwidi ibalombana. Yaya nsaa botentekyesha shi we na mwanda na mukwenu, e kwikala mu kibumbu sunga mu lupata. Yesu alesha kyodi mulombene kukita. (Badika Mateo 5:24.) Nkipaso kinyi kyodi mulombene kubanda kukimba butale na mukwenu e nobe mwanda muyile bibambile Yesu? Lesha lwalulo lwibuwa pobe kuusha kashibo mu ngalulo i kushi.

ABITUNGU . . .

  • wesambe na mukwenu nka su bonangushena shi e na kabingilo ka kufiita munda

  • okimbe bya kuludika mweneno a mukwenu su opusha shi afitaa munda kushi kabingilo sunga kumulungula kilema kyaye

  • omutemeshe na lwishinko looso p’akula, na sunga byekala shi twe mupushe kalolo, kumuteka lusa alukatukila kwishimba bwa bibomupushisha kinyongwa mwanda towukanga byabidi bilombene kumutapa kwishimba nya

MUKWENU NAMU ABITUNGU . . .

  • akimbe bukwashi bwa bangi bantu ba mu kakongye pa kwibalungula byodi mumulwishishe

  • etopekye pa kushushula koso kadi mu kukitshine bwa kukumina shi we mu kilubilo

  • ashingule shi abitungaa kwikala na kwiyisha n’eshimba dinyingye bwa shi wemonene naye na kumufwila lusa alukatukila kwishimba

Sunga byekala shi t’atutushaa dingi milambu ya nyema mu lulangwilo lwetu kano kabidi, Yesu badi akyebe kutusha dilongyesha kinyi pabitale kipwano na mukwetu na lulangwilo lwabakumiina kwi Efile Mukulu?