Enda bwa kuleshe myanda i mwanka

Enda bwa kuleshe kashibo ka myanda i mwanka

 MIISAMBO YA MBANGILO | AKWIKALAA MUWA KUNYIMA KWA LUFU?

Nkinyi akikitshikaa kunyima kwa lufu?

Nkinyi akikitshikaa kunyima kwa lufu?

“Naadi namono’shi kwi ma mbalo asatu akumbeene kwenda muntu su baafu: Mwiyilu, mu iferno sunga mu mpurgatoriyo. Naadi nauku’shi bantu bebuwa abendaa mwiyilu na babi namu mwishiba dya kaalo. Anka tanguuku kalolo akileesha mpurgatoriyo. Tambandile kwibimona mu Bible nya. Mpenda bantu abebyakulaa.”​—Lionel.

“Babaadi bandongyeshe’shi bantu booso bebuwa abendaa mwiyilu kunyima kwa lufu, anka tshinaadi nebishinkamisha nya. Naadi namono’shi lufu nyi nfudiilo a byooso—na’shi ta kwi kya kukulupila kunyima kwa lufu nya.”—Fernando.

Todi mwiyipushe bwa kuuka ‘akikitshikaa kunyima kwa lufu’ su? Bakwetu bafwe, bakwete kukyenga mbalo kampanda? Atukemoneena nabo dingi? Twi kwibishinkamisha naminyi?’ Banda kutala abilongyesha Bible. Kya kumpala, tubande kutala Bible by’apwandikisha lufu. Kunyima atukesambila lukulupilo alwitupa Eyi dy’Efile Mukulu Bible.

 Su muntu baafu ekalaa naminyi?

BIBLE ALUULA’SHI: “Be na mûwa mbeûkye’nka’shi: “atukafu,” anka bafwe t’abeûku kintu. Kwâbo kwabadi, t’abapêbwanyi bwedi sunga nkutentekyeshwa dimo, ooo. Byoso by’obofusha kukita, webikite na bukome bobe boso, mwanda t’okekalanyi na mifubo sunga na mmpwandikisho sunga nkiûkilo sunga mbinangu mu kalunga-nyembo, mwamwa m’okende, ooo.” *​—Mulungudi 9:5, 10EEM.

Nyembo, nyi mpenda mbalo yabashiikaa bantu su abaafu; ayileesha kukutwa kwa kwikala kwanka sunga kukutwa kufuba. Yoobo muntu sha lulamato baadi amono Nyembo naminyi? Baadi mushimishe bupeta na bana baaye booso mwifuku dimune na kukwatshiibwa na mukumbo wibukopo. Nyi bwakinyi batekyele Efile Mukulu’shi: “Onfye mu kalunga-nyembo [Bible a Katolike a Douay (mu anglais) aleesha bu “mwishiba dya kaalo,”] ombwikile mwanka mpâ n’apakapwila nsungu yobe.” (Yoobo 1:13-19; 2:7; 14:13EEM) Eyendo, Yoobo tabaadi amono Nyembo bu eshiba dya kaalo mubaadya kunyinsha kukyenga nya. Pa mutwe pa byabya, baadi amono bu mbalo ibaadya kwikiisha.

Kwi ungi mushindo wa kuuka abiikalaa bafwe. Twi balombeene kutaluula abyakula Bifundwe pabitale bantu 8 babaadi basangukye.​—Tala kashibo akamba shi: “ Nsangukilo mwanda yabadi baleeshe mu Bible.”

Ta kwi su ngumune a ku bantu mwanda bambile‘shi kwi mbalo ya muloo sunga ya makyenga nya. Su bantu babaadi basangulwe babaadi bende mu aa ma mbalo nsaa yabaadi bafwe, tabaadya kwibilungula bantu su? Na tabaadya kwibifunda mu Bible bwashi bantu booso bebyukye su? Mu Bible, ta mbafunde kintu su nkimune ki byabya nya. Baaba bantu 8 ta mbalondele bantu mwanda su ngumune. Bwakinyi? Mwanda tababaadi abauku kintu su nkimune nka bu abikalaa muntu mulaale tulo twi bukopo. Ingi nsaa Bible apwandikisha lufu na tulo. Bu kileshesho, Bible aleesha’shi Daavide na Setefano ‘babaleele mu tuulo.’​—Bikitshino 7:60Kilombeno kipya 2014; 13:36, NWT.

Binobino, ndukulupilo kinyi lwi kwanka bwa bafwe? Mbakumbeene kubuuka mu twatwa tulo su?

^ par. 7 Mu Bible a Les Saintes Écritures — Traduction du monde nouveau, kishima kya mu Greke “sheole” na kishima kya kina Ebreeyi “Hadès” byooso bibidi abileesha “Nyembo.” Angi ma Bible aaleesha bu “iferno,” anka, dilongyesha dya eshiba dya kaalo akatembe bwa kukyengyesha bantu tadii mu Bible nya.