Enda bwa kuleshe myanda i mwanka

Enda bwa kuleshe kashibo ka myanda i mwanka

Myaluulo ku nkonko ya mu Bible

Myaluulo ku nkonko ya mu Bible

Atukeekala na guvernema umune bwa nsenga ishima su?

Mushindo kinyi ulombene guvernema umune kubunga bantu ba miilo yooso? Yeeshaya 32:1, 17; 54:13

Banda kunangushena myanda ayikyebe uno guvernema a nsenga ishima kukitshina bantu. Lelo bantu bakwete kukyenga mwanda mbalanda, aku namu bangi be na bupeta bwibungi. Kadi guvernema sha lusa a nsenga ishima akyebe kulombashila bantu booso nkalo yaabo. Omono shi bantu mbalombene kutuusha guvernema e byayba su?​—Badika Yeelemiya 10:23.

Kubanga kala, ma guvernema ta ngobeshe mu mishindo ibungi kulombashila bantu nkalo yaabo, bikishekishe balanda. Angi ma guvernema akwete kukyengyesha bantu. (Mulungudi 4:1; 8:9) Kadi Efile Mukulu sha bukome booso mmulee bwa kutuula guvernema akyebe kupyana angi ooso. Mukunkushi a yawa guvernema akyebe kulombashila bantu nkalo yaabo.​—Badika Yeeshaya 11:4; Danyele 2:44.

Nkinyi akikakitshi Bufumu bw’Efile Mukulu?

Yehowa mmusangule mukunkushi e buwa—Mwana aaye Yesu. (Luuka 1:31-33) Pabaadi bu muntu pa nsenga, Yesu baadi etatshisha bwa kukwasha bantu. Bu byadi Nfumu, akyebe kubunga bantu ba miilo yooso na kwibakashila makyenga ooso.​—Badika Misambo 72:8, 12-14.

Mbantu booso abakumiina Yesu bu mukunkushi su? Nya. Kadi Yehowa e na lwishinko. (2 Mpyele 3:9) Kwete kupa bantu mushindo washi bakumiine Yesu bu mukunkushi. Binobino, Yesu akyebe kukatusha bantu bebubi pa nsenga na akyebe kutuula butaale na kwiyikeela mu nsenga ishima.​—Badika Mika 4:3, 4.