Enda bwa kuleshe myanda i mwanka

Enda bwa kuleshe kashibo ka myanda i mwanka

Bufumu bw’Efile Mukulu nkinyi?

Bufumu bw’Efile Mukulu nkinyi?

Bufumu bw’Efile Mukulu nkinyi?

BANGI BANTU ABAKULA’SHI Bufumu bw’Efile Mukulu abuleesha kumunana kw’Efile Mukulu mwishimba dya muntu; bangi namu abanangusheena’shi nyi ndumbulwilo a bantu akatuulu butaale pa nsenga na kwikasha bantu mu buumune. Obe namu opwandikisha naminyi?

AKYAKULA BIBLE

“Efile Mukulu e mwiyilu akatulu bungi bufumu, bushabukalwishibwa. . . . Abukafingakasha na kufudiisha mafumu [a bantu] ooso.” (Ndanyele 2:44, EEM) Bufumu bw’Efile Mukulu nyi mbulamatadi a binyibinyi.

NKINYI DINGI AKITULONGYESHA BIBLE?

  • Bufumu bw’Efile Mukulu bukwete kumunana mwiyilu.​—Mateo 10:7; Luka 10:9.

  • Efile Mukulu afubu na Bufumu bwaye bwa kulombasha kikyebe ky’eshimba dyaye mwiyilu na pa nsenga.​—Mateo 6:10.

Bufumu bw’efile mukulu abufiki nsaa kinyi?

WE KWALUULA NAMINYI?

  • Ta kwi muntu auku

  • Abufiki binobino

  • Tabufiki

AKYAKULA BIBLE

“Uno mukandu wi buwa wa bufumu aukalungulwa pa nsenga yoso yishaadibwe, bwa kulesha bu-kamonyi kwi maumbo ooso na kunyima nfudiilo ayikafiki.” (Mateo 24:14) Su mukandu wibuwa ubapu kulungulwa mu ma mbalo ooso, Bufumu bw’Efile Mukulu abukafiki bwa kufudiisha uno ndumbulwilo mubi.

NKINYI DINGI AKITULONGYESHA BIBLE?

  • Ta kwi muntu su ngumune pa nsenga auku kalolo nsaa ayikafiki Bufumu bw’Efile Mukulu.​—Mateo 24:36.

  • Matemuki a mu Bible aaleesha’shi Bufumu bw’Efile Mukulu abufiki binobino.​—Mateo 24:3, 7, 12.