Accessibility setting

Sarudza Mutauro

Enda kuMenu Inodzika Kuruboshwe

Enda pane zvauri kuda

Zvapupu zvaJehovha

Shona

Dhiyabhorosi Munhu Chaiye Here?

Dhiyabhorosi Munhu Chaiye Here?

Mhinduro yeBhaibheri

Hongu, Dhiyabhorosi munhu chaiye. Ingirozi yaiva kudenga asi akazopandukira Mwari uye anonzi “mutongi wenyika.” (Johani 14:30; VaEfeso 6:11, 12) Bhaibheri rinoratidza zvakaita unhu hwaDhiyabhorosi mumazita anotevera:

Haasi uipi huri muvanhu

Vamwe vanofunga kuti Satani Dhiyabhorosi hungori uipi huri mumwoyo yevanhu. Asi Bhaibheri rinotaura nezveimwe nyaya yaitaurwa naMwari naSatani. Mwari haana chitadzo saka hazvingaiti kuti zvinzi aitaura nechimwe chinhu chakaipa chaiva mumwoyo wake. (Dheuteronomio 32:4; Jobho 2:1-6) Pane imwe nguva Jesu akambokurukura naSatani paaiedzwa, asi Jesu akanga asina chitadzo. (Mateu 4:8-10; 1 Johani 3:5) Ndokusaka Bhaibheri richiratidza kuti Dhiyabhorosi munhu chaiye kwete kuti uipi huri mumwoyo yevanhu.

Tinofanira kushamisika here kana vanhu vakawanda vachiramba kuti Dhiyabhorosi munhu chaiye? Aiwa, nokuti Bhaibheri rinotaura kuti Satani anoshandisa unyengeri kuti azadzise zvido zvake. (2 VaTesaronika 2:9, 10) Humwe unyengeri hwaanoshandisa ndehwokupofumadza vanhu vakawanda kuti vasafunga kuti munhu chaiye.—2 VaKorinde 4:4.

Dzimwe nhema dzinotaurwa nevanhu nezvaDhiyabhorosi

 

Chokwadi: Shoko rechiHebheru rakashandurwa nemamwe maBhaibheri kuti “Lucifer” rinoreva “anopenya.” (Isaya 14:12) Kana tikatarisa kuri kubva nenyaya nekwairi kuenda zvinoratidza kuti shoko iri rakanga richireva dzinza roumambo kana kuti madzimambo eBhabhironi, ayo Mwari aizonyadzisa nemhaka yokuzvikudza kwawo. (Isaya 14:4, 13-20) Shoko rokuti “anopenya” rakashandiswa kunyadzisa umambo hweBhabhironi pashure pokunge hwakundwa.

 

Chokwadi: Dhiyabhorosi muvengi waMwari kwete mushumiri wake. Satani Dhiyabhorosi anopikisa uye anopomera nhema vanhu vanoshumira Mwari.1 Petro 5:8; Zvakazarurwa 12:10.

 

Inzwa zvimwe

Izvi Ndizvo Zvaida Mwari Here?

Zvimwe uri kunetseka kuti sei panyika paine matambudziko akawanda kudai. Unozviziva here kuti Bhaibheri rinoti matambudziko ose aya achapera uye iwe unogona kurarama munyika yacho yakanaka?