Accessibility setting

Sarudza Mutauro

Enda kuMenu Inodzika Kuruboshwe

Enda pane zvauri kuda

Zvapupu zvaJehovha

Shona

Zvine Basa Here Kuti Munhu Ave Nechechi Yaanopinda?

Mhinduro yeBhaibheri

Ehe, nokuti Mwari anoda kuti vanhu vaungane vachimunamata. Bhaibheri rinoti: “Ngatirangarirane kuti tikurudzirane kuva norudo nemabasa akanaka kwazvo, tisingaregi kuungana kwedu.”VaHebheru 10:24, 25.

Jesu akaratidza kuti vateveri vake vaizova boka rakarongeka paakavaudza kuti: “Vose vachaziva kuti muri vadzidzi vangu neizvi, kana muine rudo pakati penyu.” (Johani 13:35) Imwe nzira inokosha yavaizoratidza nayo rudo urwu yaizova yokuungana nevavainamata navo. Vaizorongwa kuva ungano dzakasiyana-siyana uye vaizofanira kugara vachiungana kuti vanamate. (1 VaKorinde 16:19) Ungano dzose idzi dzaizova sangano rimwe chete rakabatana pasi rose.1 Petro 2:17.

Kungova nechechi yaunopinda hakuna kukwana

Kunyange zvazvo Bhaibheri richiti vanhu vanofanira kuungana vachinamata Mwari, haridzidzisi kuti kuva nhengo yechechi ndiko kunoita kuti munhu afadze Mwari. Kuti munhu afarirwe naMwari, chechi yaanopinda inofanira kunge ichiita kuti ararame zvinoenderana nemitemo yaMwari. Somuenzaniso, Bhaibheri rinoti: “Kunamata kwakachena uye kusina kusvibiswa mukuona kwaMwari wedu uye Baba vedu ndouku: kutarisira nherera nechirikadzi pakutambudzika kwadzo, uye kuzvichengeta usina ruvara rwenyika.”Jakobho 1:27.

Inzwa zvimwe

Sei Zvapupu zvaJehovha Zvisingadani Nzvimbo Yazvinonamatira Kuti Chechi?

Ona kuti mashoko okuti “Imba yoUmambo yeZvapupu zvaJehovha” anobvepi uye sei tichiashandisa.

Tinofanira Kunamata Zvifananidzo Here?

Mwari ane basa nazvo here kuti washandisa zvifananidzo kana zvidhori pakumunamata?

Pane Chitendero Chaungavimba Nacho Here?

Wakamboodzwa mwoyo nechitendero here? Kana zvakadaro zvingasava nyore kuva nechitendero chaunovimba nacho. Kudzidza Bhaibheri kungabatsira sei?