Accessibility setting

Sarudza Mutauro

Enda kuMenu Inodzika Kuruboshwe

Enda pakanzi zviri mukati

Enda pane zvauri kuda

Zvapupu zvaJehovha

Shona

NHARIREYOMURINDI SEPTEMBER 2013

Mibvunzo yeBhaibheri Inopindurwa

Mibvunzo yeBhaibheri Inopindurwa

Chii chingaita kuti vari muwanano vafare?

Mazano eBhaibheri panyaya yokuva newanano inofadza anobatsira nokuti rinobva kuna Jehovha Mwari anova ndiye akatanga wanano. Rinotidzidzisa kuva neunhu hunoita kuti wanano inakidze uye rinotinyevera nezveunhu hunoparadza wanano. Rinotidzidzisawo kuti tigone kukurukurirana zvakanaka zvoita kuti tiwedzere kufara muwanano.—Verenga VaKorose 3:8-10, 12-14.

Varume nemadzimai vanofanira kukudzana uye kuremekedzana. Vanogona kufara kana vakabvuma zvavanonzi naMwari vaite muwanano.—Verenga VaKorose 3:18, 19.

Chii chinoita kuti vari muwanano vachembedzane?

Vari muwanano vanogona kugara vose kana vachidanana. Mwari anotidzidzisa maratidzire atingaita rudo. Jehovha neMwanakomana wake Jesu, mienzaniso yakanaka yerudo rwokuzvipira.—Verenga 1 Johani 4:7, 8, 19.

Kana varume nemadzimai vakaremekedza urongwa uhwu hwewanano, vanogarisana zvakanaka. Mwari akaita kuti wanano ive mubatanidzwa unogara zvachose pakati pemurume nemukadzi kuitira kuti mhuri dzive dzakachengeteka. Izvi zvinokwanisika nokuti Mwari akasika murume nomudzimai kuti vagarisane uye vabatsirane. Akavasikawo nomufananidzo wake, vachikwanisa kutevedzera rudo rwake.—Verenga Genesisi 1:27; 2:18, 24.

Inzwa zvimwe

Tarisirai Kuna Mwari Kuti Muve Newanano Inofadza

Kuzvibvunza mibvunzo miviri isina kuoma kunogona kukubatsira kuvandudza wanano yenyu.

Zvamungaita Kuti Muwirirane

Zvinhu 4 zvinogona kukubatsira kuti iwe newawakaroorana naye musakakavadzana asi mutaurirane murugare.