Enda pane zvauri kuda

Enda kuMenu Inodzika Kuruboshwe

Enda pakanzi zviri mukati

Zvapupu zvaJehovha

Shona

Mukai!  |  Nhamba 6 2017

Milford Sound

 NYIKA DZAKASIYANA-SIYANA

Kushanya kuNew Zealand

Kushanya kuNew Zealand

MAKORE anenge 800 apfuura, vaMaori vakatama kubva kuzvitsuwa zvePolynesia vachienda kuNew Zealand. Vasvika ikoko, vakaona kuti nyika yacho yakanga yakasiyana chaizvo nekwavakanga vabva. MuNew Zealand maiva nemakomo, zvitubu zvemvura inopisa, makomo echando uye sinou. Papera makore 500, pakazouyawo rumwe rudzi rwaibva kuEurope. Mazuva ano, vanhu vakawanda vemuNew Zealand vanoziva tsika dzekuEurope uye dzekuPolynesia. Vanopfuura 90% vanogara mumaguta. Pamaguta makuru ari pasi rese, guta reWellington ndiro rega rakanyanyoenda kumaodzanyemba.

Madziva ematope anopisa ari muNorth Island

 Kunyange zvazvo New Zealand iri kwayo yega, gore negore kunouya vashanyi vanosvika mamiriyoni matatu nekuti nyika yacho ine zvinhu zvinoyevedza.

Muti unonzi silver fern unogona kureba mamita anopfuura 10

Shiri isingabhururuki inonzi takahe yaifungidzirwa kuti haisisiko yakazowanika muna 1948

MuNew Zealand mune mhuka dzakasiyana-siyana uye ndimo mune shiri dzakawanda dzisingabhururuki. Ndimowo munowanika tuatara, mhuka yakaita sedzvinyu iyo inogona kurarama kwemakore anosvika 100! Zviremwa-remwa nedzimwe mhuka dzakakura dzemumvura dzakadai semawhale uye madolphin, ndidzo chete mhuka dzakagara dziri muNew Zealand.

MuNew Zealand matova nemakore anoda kusvika 120 muine Zvapupu zvaJehovha. Vanodzidzisa Bhaibheri mumitauro inopfuura 19, kusanganisira mitauro yechiPolynesia yakadai sechiNiuean, chiRarotongan, chiSamoan, uye chiTongan.

VaMaori vachiimba vakapfeka mbatya dzekwavo