Accessibility setting

Sarudza Mutauro

Enda kuMenu Inodzika Kuruboshwe

Enda pakanzi zviri mukati

Enda pane zvauri kuda

Zvapupu zvaJehovha

Shona

MUKAI! NOVEMBER 2014

Zvepasi Rino

Zvepasi Rino

Pasi Rose

Sangano reWorld Health Organization (WHO) rinoti, dambudziko revakadzi vanoshungurudzwa riri kuramba richiwedzera uye kuti vakawanda vavo vanoshungurudzwa nevarume vavo.

Britain

Pavanhu 64 303 vakabvunzwa, vanodarika 51 000 vacho vakataura kuti “zvitendero ndizvo zviri kukonzera matambudziko uye kurwisana kwakawanda kuri kuitika munyika.” Muna 2011, nhamba yevanhu vokuEngland nokuWales vanoenda kuchechi yakaderera chaizvo kana tichiienzanisa neyegore ra2001. Izvi zvinoratidza kuti vakawanda havachadi kunzwa nezvechechi.

China

Vanobudisa nhau vanoti bumbiro remitemo rakagadziriswa kuti rive nemutemo wokuti vana vagare vachishanyira vabereki vavo vakwegura uye vachinzwa zvichemo zvavo. Mutemo wacho hautauri chirango chinopiwa vana vanotadza kuita izvi.

Europe

Kwava nevanhu vari kugadzira zvinhu zvakadai sezvokuzora, sipo, kunyange zvokudya asi zviri zvemhando yepasi pasi vachibiridzira vatengi. Mukuru mukuru wekambani inoona nezvokugadzirwa kwezvokudya anoti, “Kese kese kanotengeseka, vanhu vacho vari kukagadzira.” Mumwewo anoti zvokudya zvakawanda zvinotengwa kubva kunyika dzakabudirira zvinenge zvakagadzirwa zvechitsotsi-tsotsi.

Inzwa zvimwe

Pane Chitendero Chaungavimba Nacho Here?

Wakamboodzwa mwoyo nechitendero here? Kana zvakadaro zvingasava nyore kuva nechitendero chaunovimba nacho. Kudzidza Bhaibheri kungabatsira sei?