Enda pane zvauri kuda

Enda kuMenu Inodzika Kuruboshwe

Enda pakanzi zviri mukati

Zvapupu zvaJehovha

Shona

Purogiramu yeUshumiri Hwedu Uye Kurarama kwechiKristu  |  October 2017

 KURARAMA KWECHIKRISTU

Zvaungaita Kuti Uve Mudzidzi weBhaibheri Anoshingaira

Zvaungaita Kuti Uve Mudzidzi weBhaibheri Anoshingaira

Unoda kuramba wakavimbika sezvakaita Dhanieri here paunoedzwa? Dhanieri aishingaira kudzidza Shoko raMwari, kusanganisira uprofita hwakadzama. (Dha 9:2) Kushingaira kudzidza Bhaibheri kunogona kukubatsira kuramba wakavimbika. Sei? Kunogona kuita kuti kutenda kwako pane zvakavimbiswa naJehovha kuwedzere. (Jos 23:14) Kunogonawo kuita kuti uwedzere kuda Mwari, zvoita kuti ude kuita zvaanoda. (Pis 97:10) Asi ungazviita sei? Chimboona mazano anotevera.

  • Zvii zvandingadzidza? Purogiramu yakanaka yekudzidza inosanganisira kugadzirira misangano. Uchawedzera kunakidzwa nekuverenga Bhaibheri kwevhiki nevhiki kana ukatsvakurudza zvaunenge usina kunzwisisa. Vamwe vakasarudza kudzidza nezveuprofita huri muBhaibheri, zvinhu zvinoumba chibereko chemweya mutsvene, nzendo dzeumishinari dzaPauro kana kuti zvinhu zvakasikwa naJehovha. Kana ukava nemubvunzo nezveBhaibheri, unyore pasi wozoutsvakurudza panguva inotevera yauchazodzidza.

  • Zvandingadzidza ndingazviwana kupi? Ona vhidhiyo inonzi Zvinhu Zvekushandisa Pakutsvakurudza muShoko raMwari. Kuti uone kuti unokwanisa here kushandisa zvinhu izvi, tsvakurudza kuti ndedzipi hurumende dzinomiririrwa nezvikara zviri pana Dhanieri chitsauko 7.

  • Ndingadzidza kwenguva yakareba sei? Kuti usimbe pakunamata, unotofanira kugara uchidzidza. Unogona kutanga nekudzidza kwenguva pfupi, wozoita uchiwedzera. Kudzidza Shoko raMwari kwakaita sekuchera pfuma yakavanzwa. Paunoramba uchiwana pfuma, unonzwa uchida kuramba uchichera! (Zvi 2:3-6) Kuda kwaunoita Shoko raMwari kuchawedzera uye uchanzwa uchida kugara uchiridzidza.​—1Pe 2:2.

ZVIKARA ZVINOTAURWA PANA DHANIERI CHITSAUKO 7 ZVINOMIRIRIREI?

MUMWE MUBVUNZO:

Dhanieri 7:8, 24 yakazadzika sei?

ZVEKUZOITA NGUVA INOTEVERA:

Zvikara zvinotaurwa pana Zvakazarurwa chitsauko 13 zvinomiririrei?