Enda pane zvauri kuda

Enda pakanzi zviri mukati

Zvapupu zvaJehovha

Sarudza Mutauro Shona

 KURARAMA KWECHIKRISTU

“Kuzadza Ruoko Nechipo chaJehovha”

“Kuzadza Ruoko Nechipo chaJehovha”

Mazuva ano tingaita sei kuti ‘tizadze ruoko rwedu nechipo chaJehovha’? (1Mak 29:5, 9, 14) Tinogona kuita zvinhu zviri pasi apa kuti titsigire basa reZvapupu zvaJehovha munyika medu uye pasi rese.

ZVIPO ZVINOPIWA PACHISHANDISWA INDANETI KANA KUTI KUISA MUMABHOKISI ZVINOTSIGIRA:

  • BASA REMUNYIKA YESE

    kuvakwa uye kushanda kwemahofisi emapazi nemahofisi eshanduro

    zvikoro zvesangano

    vashumiri chaivo venguva yakazara

    kubatsira panoitika njodzi

    kuprinda, kugadzira mavhidhiyo, uye kubudisa zvinhu paindaneti

  • KUBHADHARA MARI INOSHANDISWA MUUNGANO

    kubhadhara zvinhu zvakadai semagetsi, mvura nezvimwewo uye kugadziridza Imba yeUmambo

    mari inofanira kutumirwa neungano kuhofisi yebazi kuti izoshandiswa:

    • pakuvaka Dzimba dzeUmambo uye Dzemagungano pasi rese

    • kutsigira urongwa hunonzi Global Assistance Arrangement

    • pakuita mamwewo mabasa pasi rese

MAGUNGANO EMUNHARAUNDA NEEDUNHU

Mari dzezvipo dzinopiwa pagungano remunharaunda dzinoendeswa kubasa remunyika yese. Mari dzinozoshandiswa pakubhadhara zvinhu zvemagungano emunharaunda, magungano makuru emunharaunda uye magungano enyika dzakawanda dzinobva pamari yemubasa remunyika yese.

Mari dzezvipo dzinopiwa pagungano redunhu dzinoshandiswa kuhaya nzvimbo dzekuitira magungano, kugadziridza dzimba dzemagungano uye kubhadhara zvimwewo zvinhu. Dunhu rinogona kusarudza kupa mari inenge yasara kubasa remunyika yese reZvapupu zvaJehovha.