Accessibility setting

Sarudza Mutauro

Enda kuMenu Inodzika Kuruboshwe

Enda pakanzi zviri mukati

Enda pane zvauri kuda

Zvapupu zvaJehovha

Shona

Bhaibheri repaIndaneti

SHANDURO YENYIKA ITSVA YEMAGWARO MATSVENE

Jona 2:1-10

2  Zvino Jona akanyengetera kuna Jehovha Mwari wake ari mudumbu rehove,+  akati: “Ndakashevedzera kuna Jehovha ndichitambudzika,+ iye akandipindura.+ Ndakachemera kubatsirwa ndiri mudumbu reSheori.+ Imi makanzwa inzwi rangu.+   Pamakandikanda munzvimbo dzakadzika, mumwoyo megungwa guru,+ Rwizi rwakabva rwandikomberedza. Masaisai enyu ose nemafungu enyu—zvakapfuura nepamusoro pangu.+   Ini ndakati, ‘Ndadzingwa pamberi penyu!+ Ndichazotarirazve sei temberi yenyu tsvene?’+   Mvura yakandikomberedza kusvikira kumweya wangu chaiko;+ mvura yakadzika yakaramba yakandikomberedza. Masora akamonera musoro wangu.   Ndakadzika pasi pemakomo. Mizariro yenyika yakanga iri pamusoro pangu nokusingagumi. Asi makabudisa upenyu hwangu mugomba, haiwa Jehovha Mwari wangu.+   Mweya wangu pawakapera simba mukati mangu,+ Jehovha ndiye wandakayeuka.+ Munyengetero wangu wakabva wasvika kwamuri, imo mutemberi yenyu tsvene.+   Vaya vanoremekedza zvidhori zvenhema, vanosiya mutsa wavo worudo.+   Asi ini, ndichabayira chibayiro kwamuri nenzwi rokuonga.+ Ndicharipa zvandakapika.+ Ruponeso runobva kuna Jehovha.”+ 10  Kwapera nguva yakati, Jehovha akarayira hove yacho, ikarutsira Jona panyika yakaoma.+

Mashoko Emuzasi