Accessibility setting

Sarudza Mutauro

Enda kuMenu Inodzika Kuruboshwe

Enda pakanzi zviri mukati

Enda pane zvauri kuda

Zvapupu zvaJehovha

Shona

Bhaibheri repaIndaneti

SHANDURO YENYIKA ITSVA YEMAGWARO MATSVENE

Jobho 37:1-24

37  “Chokwadi mwoyo wangu unodedereswa neizvi,+ Uye unokwakuka uchibva panzvimbo pawo.   Nyatsoteererai, kutinhira kwenzwi rake,+ Nokuomba kunobuda mumuromo make.   Anoita kuti kuende pasi pematenga ose, Uye mheni+ yake inosvika kumigumo yenyika.   Kutinhira kunotevera mushure mayo; Anotinhira+ nenzwi roukuru hwake,+ Uye haadzidzivisi panonzwika inzwi rake.+   Mwari anotinhira nenzwi rake+ nenzira inoshamisa, Achiita zvinhu zvikuru zvatisingagoni kuziva.+   Nokuti anoti kuchando, ‘Wira panyika,’+ Uye anodarowo kumvura zhinji inonaya, iyo mvura yake zhinji inonaya nesimba.+   Anodzivisa ruoko rwomunhu wose wepanyika kuti rurege kuita basa Kuti munhu wose azive basa rake.   Chikara chinoenda kunovanda, Uye chinogara munzvimbo dzacho dzokuvanda.+   Dutu rinobuda muimba yomukati+ Uye kutonhora kunobuda mumhepo yokumusoro.+ 10  Mvura yakaita chando inovapo nokuda kwemhepo yaMwari yokufema+ Uye mvura yakapararira inoramba iri panzvimbo imwe chete.+ 11  Chokwadi, iye anoremedza gore nounyoro, Chiedza+ chake chinoparadzira gore gobvu, 12  Riri kutenderedzwa nokutungamirira kwaanozviita kuti zviite basa razvo Zvichienda chero kwaanozvirayira+ pamusoro penyika inobereka yepasi. 13  Anoita kuti rive shamhu+ kana kuti rivepo nokuda kwenyika yake+ Kana kuti ribereke zvibereko nokuda kwomutsa wake worudo.+ 14  Haiwa Jobho, teerera izvi; Mira, ufunge nezvemabasa anoshamisa aMwari.+ 15  Unoziva here paakatarirwa nguva naMwari,+ Nepaakaita kuti chiedza chegore rake chipenye? 16  Unoziva here nezvokudzikama kwemakore,+ Iwo mabasa anoshamisa aIye ane zivo yakakwana?+ 17  Kuti nguo dzako dzinopisa sei Nyika painova norunyararo runobva kumaodzanyemba?+ 18  Ungapambadzira matenga+ pamwe chete naye Kuti ave akaoma segirazi resimbi yakanyungudutswa here? 19  Tiudze zvatingataura kwaari; Hatingabudisi mashoko nokuda kwerima. 20  Ko iye anofanira kuudzwa kuti ndinoda kutaura here? Kana kuti pane munhu here akambotaura kuti izvo zvichazotaurwa?+ 21  Zvino havanyatsooni chiedza; Icho chinopenya chiri mumatenga, Mhepo painenge yapfuura, ikaachenesa. 22  Kubwinya kwakaita sokwendarama kunobva kuchamhembe. Kukudzwa+ kwaMwari kunotyisa. 23  Kana ari Wemasimbaose, hatina kumuwana;+ Akakwidziridzwa musimba,+ Haazozvidzi+ kururamisira+ nokururama+ kukuru. 24  Naizvozvo vanhu ngavamutye.+ Haana hanya nevanhu vanozviti vakachenjera mumwoyo mavo.”+

Mashoko Emuzasi