Mibvunzo yeBhaibheri Inopindurwa
Sei tichifanira kuyeuka rufu rwaJesu?
Kufa kwakaita Jesu kuchatibatsira sei?—Isaya 25:8; 33:24
Rufu rwaJesu rwunokosha kupfuura zvose zvakamboitika munhoroondo yevanhu. Akafa kuti vanhu vadzokere pakuva neupenyu hwavaiva nahwo pakutanga. Munhu haana kusikwa aine pfungwa dzekuda kuita zvakaipa. Aisafanira kurwara kana kufa. (Genesisi 1:31) Asi chivi chakapinda munyika nemunhu wekutanga, Adhamu. Jesu akafa kuti atinunure pachivi nerufu.—Verenga Mateu 20:28; VaRoma 6:23.
Mwari akatiratidza rudo rwakakura nekutuma Mwanakomana wake panyika kuti azotifira. (1 Johani 4:9, 10) Jesu akaudza vateveri vake kuti vaite musangano usingashamisiri wekuyeuka rufu rwake, vachishandisa chingwa newaini. Kuita izvi gore negore kunoratidza kuti tinotenda rudo rwatakaratidzwa naMwari uye naJesu.—Verenga Ruka 22:19, 20.
Ndivanaani vanofanira kudya chingwa nekunwa waini?
Jesu paakatanga kuudza vadzidzi vake kuti vayeuke rufu rwake, akataura nezvesungano kana kuti chibvumirano. (Mateu 26:26-28) Sungano iyi yaizoita kuti ivo nevamwewo vaizosarudzwa vazova madzimambo nevapristi naye kudenga. Kunyange zvazvo mamiriyoni evanhu achiyeuka rufu rwaJesu, vaya chete vari musungano iyoyo ndivo vanodya chingwa nekunwa waini.—Verenga Zvakazarurwa 5:10.
Iye zvino patova nemakore angada kusvika 2 000, Jehovha achisarudza vaya vachazova madzimambo. (Ruka 12:32) Vanhu ava vashoma kana tichienzanisa nevachararama nekusingaperi panyika.—Verenga Zvakazarurwa 7:4, 9, 17.
Zvimwe Zvaunogona Kufarira
NEZVEDU
Kuyeuka Rufu rwaJesu
Gore rino tichayeuka rufu rwaJesu musi weChipiri, 4 April 2023. Tinokukoka kuti uzonzwa kuti rufu rwake runokubatsira sei.
MIBVUNZO YEBHAIBHERI INOPINDURWA
Jesu Akafirei?
Kana rufu rwake ruchitibatsira, runonyatsotibatsira sei?
NHARIREYOMURINDI
Sei Tichifanira Kuyeuka Rufu rwaJesu?
Vanhu vakawanda vanopemberera zuva rekuberekwa kwaJesu paKrisimasi uye vanopemberera kumuka kwake paIsita. Asi sei Zvapupu zvaJehovha zvichiyeuka rufu rwaJesu?
MIBVUNZO INONYANYA KUBVUNZWA
Nei Maitiro Anoita Zvapupu zvaJehovha Chirayiro chaShe Achisiyana Nezvinoitwa Nemamwe Machechi?
Ndicho chiitiko chinonyanya kukosha kuZvapupu zvaJehovha, chinonziwo Chirangaridzo. Inzwa kuti Bhaibheri rinoti kudii nezvechiitiko ichi.
