Zvirevo 20:1-30
20 Waini inotsvinya,+ doro harizvibati;+Munhu wese anotsauswa nazvo haana kuchenjera.+
2 Kutyisa kwamambo kwakafanana nekuhon’a kweshumba;*+Munhu wese anomushatirisa anoisa upenyu hwake pangozi.+
3 Munhu asingapindi mukukakavadzana anokudzwa,+Asi benzi rinoita kunyura mugakava.+
4 Simbe hairimi nekuti kuri kutonhora,Saka inozopemha munguva yekukohwa painenge isisina chinhu.*+
5 Pfungwa dziri mumwoyo* memunhu dzakaita semvura yakadzika,Asi munhu ane ungwaru anodzibudisa.
6 Vanhu vakawanda vanozviti vakavimbika,*Asi ndiani angawana munhu akatendeka?
7 Munhu akarurama anofamba mukururama kwake.+
Vana* vake vanomutevera vanofara.+
8 Kana mambo agara pachigaro chake kuti atonge,+Anourutsa zvakaipa zvese nemaziso ake.+
9 Ndiani angati: “Ndakachenesa mwoyo wangu;+Ndakachena pachivi changu”?+
10 Zvekuyeresa zvinobiridzira uye chikero chenhema,*Zvese zvinosemesa Jehovha.+
11 Kunyange mwana* anozivikanwa nemabasa ake,Kuti tsika dzake dzakachena uye dzakarurama.+
12 Nzeve inonzwa neziso rinoona,Zvese zviri zviviri zvakasikwa naJehovha.+
13 Usada hope, kuti urege kuva murombo.+
Svinura, kuti ugute nezvekudya.+
14 “Hachina kunaka, hachina kunaka!” anodaro mutengi;Anobva aenda otanga kuzvirumbidza.+
15 Kune goridhe, uye kune matombo ekorari* akawanda,Asi miromo ine ruzivo inokosha.+
16 Tora chipfeko chemunhu kana akaita kuti munhu waasingazivi atore chikwereti muzita rake;+Mutorere chekusara wakabata kana akazviitira mukadzi wekune imwe nyika.*+
17 Zvekudya zvinowanikwa nekunyengera zvinonakira munhu,Asi mukanwa make muchazara jecha.+
18 Kana muchipanana mazano, zvirongwa zvichabudirira,*+Uye irwai hondo yenyu nekutungamirira kweunyanzvi.*+
19 Munhu anotaura mashoko anosvibisa zita remumwe anofamba achifumura nyaya dzavo;+Usashamwaridzana nemunhu anofarira makuhwa.*
20 Munhu wese anotuka baba vake naamai vake,Rambi rake richadzimwa kana kwava nerima.+
21 Nhaka inotanga kuwanikwa nemakaroHaizokomborerwi pakuguma kwayo.+
22 Usati: “Ndichatsiva chakaipa!”+
Isa tariro muna Jehovha,+ uye achakuponesa.+
23 Zvekuyeresa zvinobiridzira zvinosemesa* Jehovha,Uye chikero chinonyengera hachina kunaka.
24 Nhanho dzemunhu dzinotungamirirwa naJehovha;+Munhu anganzwisisa seiko nzira yake?
25 Iwo musungo kana munhu akashevedzera asina kufunga, achiti, “Chitsvene!”+Ozotanga kufunga zvaanenge apika pava paya.+
26 Mambo akachenjera anourutsa vakaipa+Ofambisa pamusoro pavo vhiri rinoshandiswa pakupura.+
27 Mhepo inofemwa nemunhu irambi raJehovha,Rinonyatsoongorora zvaari nechemukati.
28 Rudo rusingachinji nekutendeka zvinochengetedza mambo;+Rudo rusingachinji runotsigira chigaro chake cheumambo.+
29 Kukudzwa kwemajaya ndiro simba rawo,+Uye kubwinya kwevakwegura ndiro bvudzi ravo rachena.+
30 Kusvuuka nemaronda zvinobvisa* uipi,+Uye kurohwa kunochenesa munhu nechemukati.
Mashoko Emuzasi
^ Kana kuti “kweshumba yava nezenze.”
^ Dzimwe shanduro dzinoti, “Ichatsvaga munguva yekukohwa asi hapana chaichawana.”
^ ChiHeb., “Zano riri mumwoyo.”
^ Kana kuti “vanozviti vane rudo rusingachinji.”
^ ChiHeb., “Vanakomana.”
^ Kana kuti “Matombo maviri ekuyeresa akasiyana nezvekupimira zviviri zvakasiyana.”
^ Kana kuti “mukomana.”
^ Ona Tsanangudzo Yemashoko.
^ Kana kuti “mutorwa.”
^ Kana kuti “zvichasimbiswa.”
^ Kana kuti “kweuchenjeri.”
^ Kana kuti “anokwezva nemiromo yake.”
^ Kana kuti “Matombo maviri ekuyeresa akasiyana anosemesa.”
^ Kana kuti “zvinokwesha.”
