Mapisarema 56:1-13
Kumutungamiriri; mutinhimira unonzi, “Njiva Yakanyarara Iri Kure.” Rwiyo rwaDhavhidhi. Miktamu.* Paakabatwa nevaFiristiya kuGati.+
56 Ndinzwireiwo nyasha, Mwari, nekuti ndiri kurwiswa nevanhu.
Vanoswera vachindirwisa uye vachindidzvinyirira.
2 Vavengi vangu vanoramba vachindibvambura zuva rese;Vakawanda vanondirwisa vachizvikudza.
3 Pandinenge ndichitya,+ ndinovimba nemi.+
4 Ndinovimba naMwari, uyo ane shoko randinorumbidza;Ndinovimba naMwari; handityi.
Munhu wenyama angandiitei?+
5 Vanoswera vachingondirwadzisa;Vanongofunga kundikuvadza chete.+
6 Vanohwandira kuti varwise;Vanotarisa pese pandatsika,+Vachitarisira kupfuudza upenyu hwangu.*+
7 Varambei nemhaka yeuipi hwavo.
Wisirai marudzi pasi makatsamwa, haiwa Mwari.+
8 Munocherechedza kudzungaira kwandinoita.+
Isai misodzi yangu muhombodo yenyu.*+
Handiti yakanyorwa mubhuku renyu?+
9 Vavengi vangu vachadzokera shure musi wandinoshevedzera ndichida kubatsirwa.+
Ichi ndicho chivimbo chandiinacho: Mwari ari kurutivi rwangu.+
10 Ndinovimba naMwari, uyo ane shoko randinorumbidza;Ndinovimba naJehovha, uyo ane shoko randinorumbidza;
11 Ndinovimba naMwari; handityi.+
Munhu wenyama angandiitei?+
12 Ndinofanira kuzadzisa mhiko dzandakaita kwamuri, haiwa Mwari;+Ndichataura mashoko ekukutendai.+
13 Nekuti makandinunura* kubva murufu+Uye makaita kuti tsoka dzangu dzirege kugumburwa,+Kuti ndifambe pamberi paMwari muchiedza chevapenyu.+
Mashoko Emuzasi
^ Ona Tsanangudzo Yemashoko.
^ Kana kuti “mweya wangu.”
^ Kana kuti “muhomwe yenyu yedehwe.”
^ Kana kuti “makanunura mweya wangu.”