Mapisarema 47:1-9

  • Mwari ndiye Mambo munyika yese

    • ‘Jehovha anoshamisa’ (2)

    • Imbai muchirumbidza Mwari (6, 7)

Kumutungamiriri. Rwiyo rwevanakomana vaKora.+ 47  Imi marudzi ese, omberai maoko. Shevedzerai kuna Mwari muchipembera kuti makunda.  2  Nekuti Jehovha Wekumusorosoro anoshamisa;+NdiMambo mukuru panyika yese.+  3  Anokunda marudzi achiaisa pasi pedu;Anoisa marudzi pasi petsoka dzedu.+  4  Anotisarudzira nhaka yedu,+Nhaka yaJakobho, uyo waanoda, yaanodada nayo.+ (Sera)  5  Mwari akwidza achipembererwa nemufaro;Jehovha akwidza achiridzirwa hwamanda.*  6  Imbai muchirumbidza Mwari,* imbai muchirumbidza. Imbai muchirumbidza Mambo wedu, imbai muchirumbidza.  7  Nekuti Mwari ndiMambo wenyika yese;+Imbai muchirumbidza, uye ratidzai kuti mune njere.  8  Mwari ava Mambo wemarudzi.+ Mwari akagara pachigaro chake chitsvene.  9  Vatungamiriri vemarudzi vaunganaNevanhu vaMwari waAbrahamu. Nekuti vatongi venyika ndevaMwari.* Iye akakwirira kumusorosoro.+

Mashoko Emuzasi

^ Kana kuti “nyanga yegondohwe; bhosvo.”
^ Kana kuti “Ridzirai Mwari rwiyo.”
^ Kana kuti “nhoo dzenyika ndedzaMwari.”