Isaya 25:1-12
25 Haiwa Jehovha, muri Mwari wangu.
Ndinokukudzai, ndinorumbidza zita renyu,Nekuti makaita zvinhu zvinoshamisa;+Makasarudza zvinhu izvi kare,+Mukutendeka+ nemukuvimbika.
2 Nekuti makaita kuti guta rive murwi wematombo,Uye kuti guta rakakomberedzwa nemasvingo rive matongo.
Shongwe yemunhu wekune imwe nyika haisisiri guta;Haichazombovakwizve.
3 Ndokusaka muchakudzwa nerudzi rune simba;Guta remarudzi anodzvinyirira richakutyai.+
4 Nekuti mava nhare* kune akaderera,Nhare kumurombo pakutambudzika kwake,+Pekuhwanda mvura ine simba,Nemumvuri pakupisa.+
Dutu revanodzvinyirira parinenge rakaita semvura inonaya ichirovera pamadziro nesimba,
5 Parinenge rakaita sekupisa kunenge kuri munyika yakaoma,Imi munokunda ruzha rwevatorwa.
Sekukurirwa kunoita kupisa nemumvuri wegore,Rwiyo rwevanodzvinyirira runonyaradzwa.
6 Mugomo iri,+ Jehovha wemauto achaitira marudzi eseMabiko emachikichori ezvekudya,+Mabiko ewaini yakanaka kwazvo,*Emachikichori azere nemwongo,Ewaini yakanaka kwazvo, yakasvinwa.
7 Mugomo iri achaparadza* chifukidziro chakafukidza marudzi ese,Nejira rakarukirirwa richivhara marudzi ese.
8 Achaparadza rufu zvachose,+Uye Changamire Ishe Jehovha achapukuta misodzi pazviso zvese.+
Achabvisa kuzvidzwa kwevanhu vake panyika yese,Nekuti Jehovha pachake azvitaura.
9 Pazuva iroro vachati:
“Onai! Uyu ndiye Mwari wedu!+
Takatarisira kwaari,+Uye iye achatiponesa.+
Uyu ndiye Jehovha!
Takatarisira kwaari.
Ngatifarei, tifarire ruponeso rwake chaizvo.”+
10 Nekuti ruoko rwaJehovha ruchauya rwogara pagomo iri,+Uye Moabhi ichatsikwa-tsikwa munzvimbo yayo+Semashanga anotsikwa-tsikwa kusvikira ava murwi wemupfudze.
11 Achatambanudza maoko ake achiapinza mairiSekutambanudza maoko kunoitwa neanoshambira kuti ashambire,Uye achaderedza kuzvikudza kwayo+Paachafambisa maoko ake neunyanzvi.
12 Uye guta rakakomberedzwa nemasvingo, rine masvingo akakwirira ekudzivirira,Acharidonhedza;Achariwisira pasi, muguruva chaimo.
Mashoko Emuzasi
^ Iyi inzvimbo yaishandiswa kuhwanda uchitiza muvengi.
^ Kana kuti “ewaini yakasiyiwa iri mumasese.”
^ ChiHeb., “achamedza.”
